22 Ноябр 2026,
якшанбе, 06:53, Душанбе
10.06.2026 14:47

Рӯзи ҷаҳонии гуфтугӯи тамаддунҳо. Гутерриш: “Гуфтугӯ моро барои ҷаҳони сулҳомезтар муттаҳид мекунад”

Антониу Гутерриш, дабири кулли Созмони Милали Муттаҳид, дар пайванд ба Рӯзи ҷаҳонии гуфтугӯи тамаддунҳо, гуфтааст, ки гуфтугӯ ин қудратро дорад, ки моро барои ҷаҳони одилонатар ва сулҳомезтар дубора муттаҳид кунад.

Созмони Милал, рӯзи чоршанбе, 10-уми июн, паёми Антониу Гутерришро дар пайванд ба Рӯзи ҷаҳонии гуфтугӯи тамаддунҳо барои соли 2026 мунташир кардааст.

Дар ин паём, дабири кулли Созмони Милал гуфтааст, ки муноқишаҳо дар ҳоли афзоиш аст.

Ӯ афзудааст: “Аммо масире барои пешрафт вуҷуд дорад: гуфтугӯ, гуфтугӯ байни миллатҳо, байни фарҳангҳо ва байни динҳо”.

Гутерриш ҳамчунин, гуфтааст, ки вақте гӯш медиҳем, суҳбат мекунем ва иртибот барқарор мекунем, муқовиматро бо ҳамкорӣ ва танишро бо эътимод ҷойгузин мекунем.

Дабири кулли Созмони Милал таъкид кардааст, ки “тағйир бо зеҳнҳои боз ва қалбҳои боз оғоз мешавад”.

Созмони Милали Муттаҳид 10-уми июнро ба унвони Рӯзи ҷаҳонии гуфтугӯи тамаддунҳо номгузорӣ кардааст, то фурсате барои тарвиҷи дарки мутақобил, ҳамбастагии ҷаҳонӣ ва гуногунии тамаддунҳо бошад.

Dialog,tj

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.