Дмитрий Медведев, муовини раиси Шурои амнияти миллии Русия, дар изҳороте бо баёни ин, ки ҳодисаи паҳподӣ дар Руминия бояд баррасӣ шавад, ки он мутааллиқ ба кадом тараф аст, таъкид кард: “Аммо кишварҳои аврупоӣ бояд дар ин хусус сукут кунанд, зеро онҳо мустақиман дар ҷанг бо Русия ширкат доранд”.

Ба гузориши расонаҳои Русия Медведев дар паёме дар саҳифаи корбарии худ дар расонаи иҷтимоии “Х” навишт: “Раҳбарони Иттиҳоди Аврупо масъули марги ғайринизомиёни русӣ дар ҳамлаҳои Украина, аз ҷумла ҳамлаи террористӣ дар Луганск ҳастанд”.

Вай афзуд: “Шаҳрвандони кишварҳои узви Иттиҳоди Аврупо, ки таъсисоти тавлиди паҳпод барои неруҳои украинӣ дар кишварҳои онҳо қарор дорад, монанди мардуми кишварҳои даргири ҷанг хоби роҳат нахоҳанд дошт”.

Медведев дар поён чунин хотирнишон кардааст: “Кишварҳои аврупоӣ ба хубӣ медонанд чӣ гуна метавонанд ба ҷанг дар Украина поён диҳанд”.

Бояд гуфт, Мария Захарова, сухангӯи Вазорати хориҷаи Русия пештар дар изҳороте таъкид карда буд, ки иқдоми Руминия дар эъломи сарконсули Русия ба унвони унсури номатлуб ва таътили консулгарии Русия дар Констанса бепосух нахоҳад монд ва иқдомҳои мутақобил ба зудӣ анҷом хоҳад шуд.

Сухангӯи Вазорати хориҷаи Русия бо ишора ба иддаоҳои Иттиҳоди Аврупо дар бораи суқути як паҳпод дар Руминия гуфт, ки ин иттиҳомҳо бо ҳадафи ҷалби таваҷҷуҳи афкори умум аз ҷиноятҳои Киев матраҳ мешавад.

Никуршор Дан, раиси ҷумҳури Руминия, пештар эълом карда буд, ки сарконсули Русия дар Констанса унсури номатлуб эълом шуда ва консулгарии ин кишвар таътил хоҳад шуд.

Dialog.tj