Сокинони ноҳияи (вулусволии) Обшори вилояти Панҷшери Афғонистон ба расонаи “8-и субҳ” гуфтаанд, дар фасли баҳор, ки маъмулан мардум ба чорводорӣ ва кишоварзӣ машғуланд, неруҳои гурӯҳи террористии Толибон ба сокинон иҷоза намедиҳанд, ки ба чарогоҳҳо раванд.

Ба гуфтаи сокинон, ҳеч кас бидуни ҳамоҳангӣ бо постҳои низомӣ иҷозаи вуруд ба дараҳо ва чарогоҳҳоро надорад ва дар ғайри он бо бархӯрд рӯбарӯ мешавад.

Сокинон афззудаанд, ки дар натиҷаи ин маҳдудиятҳо, шуморе аз хонаводаҳо ночор шудаанд чорвоҳои худро ба фурӯш бароранд, зеро ба гуфтаи онҳо, идомаи зиндагӣ бидуни чорводорӣ дар ин минтақа душвор аст.

Сокинони маҳал ҳамчунин, мегӯянд, ки дар минтақаи Қавли Сангихон барои муддати зиёд иҷозаи киштукор дода нашуда ва акнун низ дастрасӣ ба бархе дараҳо ва заминҳои зироатӣ маҳдуд шудааст.

Ба гуфтаи онон, ноҳияи Обшор 30 ҳазор нафар ҷамъият дорад ва бошандагони он одатан ба деҳқонӣ ва чорводорӣ машғуланд.

Сокинон таъкид кардаанд, ки ин маҳдудиятҳо фишори иқтисодии бештаре бар хонаводаҳо ворид кардааст.

Dialog.tj