Ба гузориши расонаҳо Доналд Трамп, раиси ҷумҳури Амрико баъд аз мулоқот бо Си Ҷинпин, раиси ҷумҳури Чин дар гуфтугӯ бо шабакаи “Фокс-нюз” гуфтааст: “Робитаи хубе бо ҳамтои чинии худ дорам ва Пекин аз замоне, ки нахустин бор ба онҷо сафар кардам, дар ҳоли сӯистифода аз Иёлоти Муттаҳида буд.”

Трамп афзудааст: “Дар бораи масоили зиёде бо раиси ҷумҳур Си гуфтугӯ кардам ва ҳама чиз ба хубӣ пеш рафт”.

Ӯ ҳамчунин, муддаӣ шудааст, ки тавони низомии Эронро аз байн бурда ва муҳосираи комиле бар Эрон амалӣ кардааст.

Доналд Трамп ҳамчунин, дар талош барои посух ба интиқодҳо дар бораи афзоиши камсобиқаи нархи сӯзишворӣ гуфтааст: “Қимати нафт дар муқоиса бо ончи бештар мардум интизор доштанд, ба далели ҷанг танҳо андаке афзоиш ёфтааст”.

Трамп дар бахши дигари суханони худ гуфта, ки мавзуи ҳимояти Чин аз Эронро бо Си Ҷинпин баррасӣ кардааст: “Раиси ҷумҳур Си ба ман гуфт, ки Чин ҳеч таҷҳизоти низомӣ дар ихтиёри Эрон қарор нахоҳад дод”.

Вай ҳамчунин, гуфт: “Пекин хоҳони боз мондани тангаи Ҳурмуз аст”.

Трамп дар идома афзудааст: “Раиси ҷумҳури Чин хоҳони дастёбӣ ба тавофуқ бо Эрон аст ва барои ин мавзуъ пешниҳоди кумак дод”.

Трамп ҳамчунин гуфта, ки Чин барои хариди нафти Амрико тамоюл нишон дода ва иддао карда, ки “Чин ҳудуди 40 дарсади ниёзи нафтии худро аз як нуқта дар Ховари Миёна (эҳтимолан Эрон) таъмин мекунад.”

Dialog.tj