20 Ноябр 2026,
ҷумъа, 06:44, Душанбе
30.04.2026 08:12

Малола Юсуфзай хостори афзоиши ҳимояти ҷаҳонӣ аз занони Афғонистон шуд

Малола Юсуфзай, барандаи ҷоизаи сулҳи Нобел ва фаъоли ҳуқуқи башар, пас аз дидор бо Ҷон Суинни, нахуствазири Шотландия аз ҷомеаи ҷаҳонӣ хоста, то ҳимоят ва ҳамбастагии бештаре бо занон ва духтарони Афғонистон нишон диҳанд ва барои ба расмият шинохтани “апартеиди ҷинсиятӣ” иқдом кунанд.

Юсуфзай рӯзи чоршанбе, 29-уми апрел гуфта, ки занон ва духтарони Афғонистон наздик ба панҷ сол аст, ки зери султаи гурӯҳи террористии Толибон бо маҳдудиятҳои шадид рӯбарӯ ҳастанд ва бисёре аз кишварҳо нисбат ба вазъияти онҳо “чашмпӯшӣ” кардаанд.

Ӯ бо ишора ба мамнуияти омӯзиши духтарон ва кори занон афзудааст, ки занони Афғонистон ба далели ҳузур дар фазои умумӣ ё талош барои таҳсил аз сӯи Толибон муҷозот мешаванд.

Ба гуфтаи ӯ, вазъият дар Афғонистон рӯ ба хатар аст ва ниёз ба иқдоми фаврии ҷомеаи ҷаҳонӣ дорад.

Юсуфзай таъкид кардааст, ки ба расмият шинохтани апартеиди ҷинсиятӣ дар ҳуқуқи байналмилал метавонад заминаи посухгӯии Толибонро фароҳам кунад ва кишварҳоро водор ба иқдом созад.

Дар ҳамин ҳол, Ҷон Суинни дар ин дидор ваъда дода, ки аз талошҳо барои ҷилавгирӣ аз апартеиди ҷинсиятӣ ҳимоят кунад.

Ду тараф дар баёнияи муштарак сиёсатҳои Толибон дар баробари занонро маҳкум карда ва онро маҳрумсозии систематикӣ аз ҳуқуқи асосӣ унвон карданд.

Юсуфзай ҳамчунин, хостори ҳузури занони Афғонистон дар музокироти байналмилалӣ бо Толибон шуд ва таъкид кард, ки ин мавзуъ як масъалаи ҷаҳонии ҳуқуқи башар ва ниёзманди ҳимояти ҳамаи кишварҳо, ба вижа кишварҳои исломӣ аст.

Пас аз тасаллути дубораи Толибон бар Афғонистон, маҳдудиятҳои густурда бар зиндагии занон ва духтарон ва маҳдудиятҳои сиёсӣ бар қавмҳои дигари Афғонистон гирифта шудааст.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.