Ҳамасола 23-юми апрел дар ҷаҳон ба номи “Рӯзи ҷаҳонии китоб” ёдоварӣ мешавад, аммо гурӯҳи террористи Толибон дар Афғонистон китобҳоро ба гунаи шадид сензура кардаанд.

Мардуми Афғонистон имрӯз, 23-юми апрел аз Рӯзи ҷаҳонии китоб барои тарвиҷи китобхонӣ, ҳимоят аз нависандагон ва ноширон ва афзоиши огоҳӣ дар бораи ҳуқуқи моликияти фикрӣ ёдоварӣ мекунанд.

Ин дар ҳолест, ки гурӯҳи террористии Толибон дар Афғонистон бар китобҳои хилофи андешаҳои ин гурӯҳ сензураи шадид ҷорӣ карда ва онҳоро аз бозорҳо ва марказҳои омӯзишӣ ҷамъоварӣ кардаанд.

Толибон китобҳои нависандагони занро дар Афғонистон мамнуъ эълон кардаанд ва бештари китобҳоеро, ки ба бовари ин гурӯҳ дар бораи демократия, низомҳо ва арзишҳои ғайриисломӣ навишта шудаанд, ҷамъоварӣ мекунанд.

Бар асоси гуфтаҳои расонаҳои Афғонистон, Толибон бар вуруди китобҳо аз мамлатҳои дигар назорати дақиқ доранд ва ба китобҳои хилофи андешаи ин гурӯҳ иҷозаи вуруд ба Афғонистонро намедиҳанд.

Ҳамчунин, пас аз тасаллути Толибон бар Афғонистон, ҳимоят аз нависандагон коҳиш ёфта ва бар асоси гузоришҳо, китобхонӣ низ камранг шудааст.

Dialog.tj