СММ: террористон дар Афғонистон ба силоҳҳои тактикӣ дастрасӣ пайдо кардаанд
Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”
Намояндаи Путин: Аврупо ба сӯи фурӯпошӣ ва бесарусомонӣ меравад
Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад
Низомии пешини Афғонистон: “Пас аз фирор аз интиқомҷӯии Толибон дар Туркия бо бесарнавиштӣ рӯбарӯ ҳастам”
Яке аз низомиёни пешини Афғонистон мегӯяд, ки пас аз суқути ҳукумати пешин ва фирор аз тарси интиқомгирии гурӯҳи террористии Толибон, акнун дар Туркия бо вазъияти душвор, бесарнавиштӣ ва маҳдудиятҳои шадид аз сӯи идораи муҳоҷирати ин кишвар рӯбарӯ аст.
Ин низомӣ бо номи мустаори Аҳмад рӯзи панҷшанбе, 16-уми апрел дар гуфтугӯ бо рӯзномаи “8-и субҳ”-и Афғонистон гуфтааст, ки дар гузашта дар минтақаҳои хос хидмат кардааст ва пас аз тасаллути дубораи Толибон, ночор шудааст Афғонистонро тарк кунад.
Ӯ мегӯяд, ки муддате дар Эрон сипарӣ кардааст, аммо ба далели таҳдидҳои амниятӣ ва мушкилоти иқтисодӣ, дар якуми январи 2025 аз Эрон озими Туркия шуда ва пас аз расидан ба марз, тавассути неруҳои амниятӣ боздошт шудааст.
Ба гуфтаи Аҳмад, рафтори неруҳои амниятӣ ва масъулони маркази боздошт бо ӯ ва дигар муҳоҷирон ғайриинсонӣ будааст ва шароити нигаҳдории онҳо ба талаботи меъёрҳои ҳуқуқи башар ҷавобгӯ набудааст.
Аҳмад мегӯяд, бо вуҷуди ироаи ҳуҷҷати низомӣ ва истифодаи се вакил, парвандааш дар муддати як соли боздошт бехулоса мондааст ва дар ниҳоят бидуни дарёфти посухи мушаххас озод шудааст.
Ӯ афзуд, ки Идораи муҳоҷирати вилояти Вони Туркия то кунун барои ӯ иҷозаи кор содир накардааст ва иҷозаи хуруҷ аз ин вилоятро низ намедодааст.
Ин низомии пешин мегӯяд, акнун аз назари равонӣ ва иқтисодӣ дар шароити бисёр душвор қарор дорад ва набуди ҳар гуна чашмандози рӯшан, ӯро дар вазъияти саргардонӣ ва бесарнавиштӣ қарор додааст.
Ин дар ҳолест, ки пас аз тасаллути дубораи гурӯҳи террористии Толибон дар Афғонистон, бисёре аз низомиёни пешин ба далели тарс аз интиқомҷӯии ин гурӯҳ кишварро тарк карданд ва як теъдоде аз онҳо тавассути Толибон боздошт, шиканҷа ва кушта шуданд.
Dialog.tj
Хатти хабарҳо
Дидори таърихии Трамп, Ҷинпин, Путин ва саволҳои беҷавоб дар бораи Украина
Муаррифии “Тоҷикистон - гаҳвораи таърих ва тамаддун дар Мовароуннаҳр (Осиёи Марказӣ)” дар Миср
Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард
Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст