Нашрияи “Осиё Таймз” (“Asia Times”) дар гузориши таҳлилӣ навишт, ки Иёлоти Муттаҳида дар ҳоли вуруд ба марҳилае аз буҳрони сохторӣ аст, ки аз бархе ҷиҳатҳо бо солҳои поёнии Иттиҳоди Ҷумҳуриҳои Шӯравии Сотсиалистӣ қобили муқоиса аст: марҳилае, ки дар он, шикоф миёни сохтори иқтисодӣ ва назми иҷтимоӣ ба тадриҷ мавҷудияти низомро бо чолиш рӯ ба рӯ мекунад.

Ин нашрия афзуд: “Рақобат миёни Амрико ва Шӯравӣ дар қарни XX сирфан рақобати қудрат набуд, балки муқовимати мутафовит дар созмондиҳии иқтисод ва ҷомеа маҳсуб мешуд: яке бар асоси бозор ва дигаре бар асоси барномарезии мутамарказ. Бо ин ҳол, ҳар ду низом дар ниҳоят бо нуқсонҳои дарунии худ мувоҷеҳ шуданд”.

Ба навиштаи ин нашрия, фурӯпошии Шӯравӣ на ба далели заъфи манобеъ ё қудрати низомӣ, балки ба далели нуқсҳои сохтории дарунӣ рух дод: ҷое, ки ҳазфи ангезаҳои иқтисодӣ ба рукуд, исрофи захираҳо ва дар ниҳоят аз байн рафтани эътимоди умумӣ анҷомид.

Dialog.tj