Дар як иқдоми бесобиқа, хонаводаҳои сарбозони исроилӣ, ки фарзандонашон дар амалиёти заминии ҷануби Лубнон мушорикат доранд, бо ирсоли номае ба мақомоти ин режим, нисбат ба ҳузури фарзандони худ дар ин минтақа ҳушдор доданд ва онро комилан ғайримантиқӣ донистанд.

Дар ин бора рӯзномаи “Ҳааретс”-и Исроил гузориш дод ва дар шарҳи нома чунин навишт: “Ин нома, ки хитоб ба Бенёмин Нетаняҳу, нахуствазир ва Исроил Катс, вазири ҷанги режими Исроил ва фармондеҳии лашкари “Наҳал” навишта шудааст, ба имзои даҳҳо хонавода аз сарбозони ин лашкар содир шудааст”.

Бар асоси ин гузориш, хонаводаҳои сарбозони режими Исроил хостори бозбинӣ дар идомаи истиқрори фарзандонашон дар ҷануби Лубнон шудаанд.

Ин хонаводаҳо дар ин нома таъкид кардаанд: “Дар шароити кунунӣ, бештари манобеи неруи ҳавоии режими Исроил дар Эрон мутамарказ шудааст ва сарбозони ҳозир дар ҷабҳаи Лубнон аз пуштибонии ҳавоии кофӣ бархӯрдор нестанд”.

Dialog.tj