Расонаҳои Афғонистон мегӯянд, ки гурӯҳи террористии Толибон устодони Донишгоҳи Кобулро ба далели надоштани риши мувофиқи талаботи ин гурӯҳ ба ихроҷи дастаҷамъӣ таҳдид кардаанд.

Манобеъ рӯзи чаҳоршанбе, 18-уми март гуфтаанд, Толибон ба устодон ҳушдор додаанд, ки дар муддати як моҳ риши худро мувофиқи хости ин гурӯҳ тартиб диҳанд.

Ба гуфтаи манобеъ, Толибон ҳамчунин, устодонро таҳдид кардаанд, ки агар дар рӯзҳои ид мӯйи сар ва риши худро ба шакли кунунияшон тартиб диҳанд, аз кор барканор хоҳанд шуд.

Манобеъ гуфтаанд, ки дар сурати итоат накардан ба ин дастур, пас аз ид, ин устодон бо иттиҳоми “яғӣ ва боғӣ” ба идораи истихбороти Толибон супурда хоҳанд шуд.

Манобеъ таъкид мекунанд, ки ин дастур дар як маҳфили расмӣ эълон шуда ва борҳо ба устодон ҳушдор дода шудааст.

Dialog.tj