Созмони Милали Муттаҳид эълом кардааст, ки 4,9 миллион кӯдак дар ҷаҳон дар соли 2024, пеш аз расидан ба синни панҷсолагӣ, ҷонҳои худро аз даст додаанд. Аз ин миён 2,3 миллион нафар навзодон будаанд.

Созмони Милал рӯзи сешанбе, 17-уми март бо нашри як гузориш гуфтааст, ки пешрафти ҷаҳонӣ дар коҳиши марги кӯдакон суст шудааст.

Ин созмон гуфтааст, ки бемориҳои сироятӣ, вараҷа (малярия), исҳол, илтиҳоби шуш (зотулрия) ва камғизоӣ аз сабабҳои асосии марги кӯдакони то панҷсола дар ҷаҳон мебошанд.

Созмони Милал афзудааст, ки марги навзодон тақрибан ними тамоми маргҳои кӯдакони то панҷсоларо ташкил медиҳад ва кӯдакон дар минтақаҳои даргирӣ ва кишварҳое монанди Чад, Ҷумҳурии Демократии Конго, Нигер ва Нигерия бештар дар хатари марг қарор доранд.

Кэтрин Рассел, мудири иҷроияи ЮНИСЕФ, гуфтааст: “Ҳеч кӯдаке набояд ба хотири бемориҳое, ки қобили пешгирӣ ҳастанд, ҷонашро аз даст диҳад. Аммо коҳиши буҷа ва дастрасии суст ба хадамоти тандурустӣ хатари марги кӯдаконро афзоиш додааст”.

Созмони Милал таъкид кардааст, ки сармоягузорӣ ба саломатии кӯдакон, ваксинатсия, барномаҳои ғизо ва нигоҳубини тахассусӣ ҳангоми таваллуд метавонад ҷони миллионҳо кӯдакро наҷот диҳад.

Dialog.tj