Шабакаи ҳимояи занон барои баробарӣ (WAEN) ба муносибати Рӯзи ҷаҳонии зан эълом кардааст, ки занони Афғонистон бо вуҷуди маҳрумиятҳои низомманд ва маҳдудиятҳои густарда ҳамчунон барои адолат ва каромати инсонӣ истодагӣ мекунанд.

Ин шабака рӯзи сешанбе, 10-уми март бо нашри баёнияе гуфтааст, ки ҳамзамон бо 8-уми март ва баргузории ҳафтодумин нишасти Комиссияи мақоми зани Созмони Милал ҳамбастагии худро бо занони афғон эълом мекунад.

Бар асоси баёния, ҳаққи омӯзиш ва кор барои занон дар Афғонистон башиддат маҳдуд шудааст, аз низоми судӣ канор зада шудаанд ва озодиҳои шахсии онҳо коҳиш ёфтааст.

Аъзои ин шабака ҳамчунин, гуфтаанд, ки фурӯпошии иқдомҳои ҳимоят аз қурбониёни хушунати ҷинсиятӣ, масири дастрасии онҳо ба адолатро амалан масдуд кардааст.

Шабакаи ҳимояи занон барои баробарӣ ин вазъиятро “апартеиди ҷинсиятӣ” тавсиф карда ва гуфтааст, ки ба расмият шинохтани он барои ҷилавгирӣ аз одӣ шудани ситам як зарурати ахлоқӣ ва ҳуқуқӣ аст.

Ин шабака аз Созмони Милал ва кишварҳои узв хостааст, ки мавзуи дастрасии занони Афғонистон ба адолатро дар садри музокироти худ қарор диҳанд.

Dialog.tj