Гурӯҳи террористии Толибон ба изҳороти мақомҳои амрикоӣ вокуниш нишон дода ва муддаӣ шуданд, ки ҳеч шаҳрванди хориҷиро барои касби имтиёзи сиёсӣ боздошт накардаанд.

Абдулқаҳҳор Балхӣ, сухангӯи Вазорати корҳои хориҷии гурӯҳи террористии Толибон, рӯзи сешанбе, 10-уми март дар баёнияе гуфтааст, ки қарор додани ин гурӯҳ ба унвони “ҳомии боздоштҳои ғайриқонунӣ” аз ҷониби Вазорати хориҷаи Амрико таассуфбор аст.

Толибон иддао кардаанд, ки бархе шаҳрвандони хориҷӣ боздошт шудаанд ва пас аз адои марҳилаи “қонунӣ” дубора озод шудаанд.

Ба гуфтаи Толибон, ин гурӯҳ дар ҷараёни соли гузашта бархе шаҳрвандони амрикоиро ба ҳусни ният озод кардааст.

Вазорати хориҷаи Толибон гуфтааст, ки дар бораи зиндониёни амрикоӣ бархе гуфтугӯҳо бо миёнаравии давлати Қатар анҷом шуда ва бархе гомҳои мусбат низ бардошта шудааст.

Толибон дар бораи ин иқдомҳо тавсиф накардаанд.

Пештар, Марко Рубио, вазири хориҷаи Иёлоти Муттаҳидаи Амрико, гуфт, ки Толибон аз шеваҳои террористӣ барои боздошти шаҳрвандони дигар кишварҳо ва баҳрагирии сиёсӣ истифода мекунанд.

Ӯ таъкид кардааст, ки Толибонро ба унвони гурӯҳи ҳомии боздоштҳо - иқдомоти ғайриқонунӣ муаррифӣ мекунад.

Dialog.tj