Адам Бойлер, намояндаи Трамп дар умури гаравгонҳо, ҳушдор додааст, ки гурӯҳи террористии Толибон бояд зиндониёни амрикоиро озод кунанд.

Бойлер рӯзи сешанбе, 10-уми март дар паёме гуфтааст, ки гаравгонгирӣ аз сӯи Толибон ғайриқобили қабул аст.

Ӯ афзудааст: “Мо ба Толибон гуфтаем, ки дипломатияи гаравгонгирӣ ғайриқобили қабул аст ва ҳақиқатан инро ҷиддӣ мегирем”.

Вай тасреҳ кардааст, ки Толибон ба унвони гурӯҳи ҳомии боздоштҳои ғайриқонунӣ муаррифӣ мешаванд ва ин мавзуъ паёмадҳои хатарноке хоҳад дошт.

Намояндаи Трамп таъкид кардааст, ки Амрико дигар боздошти шаҳрвандонашро таҳаммул нахоҳад кард.

Ӯ хотирнишон кардааст, ки дар ҳоли ҳозир се шаҳрванди амрикоӣ дар зиндони Толибон ба сар мебаранд.

Намояндаи Трамп изофа кардааст, ки агар Толибон ин ҳушдорҳоро ҷиддӣ нагиранд, бояд худро барои сарнавишти мушобеҳи Эрон ва раиси ҷумҳури Венесуэла омода кунанд.

Марко Рубио, вазири хориҷаи Амрико, эълом кардааст, ки Толибонро ба унвони гурӯҳи ҳомии боздоштҳои ғайриқонунӣ муаррифӣ мекунад.

Dialog.tj