Марко Рубио, вазири корҳои хориҷии Иёлоти Муттаҳидаи Амрико, мегӯяд, ки Толибон аз равишҳои террористӣ барои касби имтиёзҳои сиёсӣ истифода мекунанд.

Рубио рӯзи сешанбе, 10-уми март дар саҳифаи худ дар шабакаи иҷтимоии “Икс” навиштааст, ки Афғонистон зери ҳокимияти Толибонро ба унвони кишвари ҳомии боздоштҳои ғайриқонунӣ муаррифӣ мекунад.

Вазири хориҷии Амрико таъкид кардааст, ки равишҳои Толибон барои касби имтиёзи сиёсӣ ба натиҷа нахоҳад расид.

Ӯ аз Толибон хостааст, тамоми шаҳрвандони амрикоиро, ки ба таври ғайриқонунӣ боздошт шудаанд, бояд озод кунанд.

Вай ба таври мушаххас аз Маҳмуд Ҳабибӣ ва Деннис Куил ном бурдааст, ки дар зиндони Толибон ба сар мебаранд.

Ин дар ҳолест, ки Толибон боздошти Маҳмуд Ҳабибӣ, шаҳрванди афғон-амрикоиро, инкор кардаанд.

Dialog.tj