Атоуллоҳ Тарор, вазири иттилооти Покистон иддао дорад, ки дар тӯли ҳамлаҳои кишвараш алайҳи гурӯҳи террористии Толибон, 527 ҷангҷӯи ин гурӯҳ кушта шудааст.

Тарор рӯзи ҷумъа, 6-уми март иддао кардааст, ки 755 ҷангҷӯи Толибон низ захмӣ шудаанд.

Ӯ афзудааст, ки 237 пости амниятии Толибон тахриб ва 38 пости дигар тасарруф ва нобуд шудаанд.

Афзун бар ин, 205 тонки Толибон низ тахриб шудааст.

Ин дар ҳолест, ки Вазорати дифои Толибон муддаӣ шудааст, ки тайи 24 соати гузашта беш аз 100 сарбози покистонӣ кушта шудаанд.

Толибон тасреҳ кардаанд, ки Покистон шаби ҷумъа ба бархе вулусволиҳои вилояти Хӯст ҳамла кардааст.

Ба гуфтаи мақомоти амниятии Покистон, 29 макон дар Афғонистон ҳадафи ҳамлаҳои ҳавоӣ қарор гирифтаанд.

Ҷанги Толибон ва Покистон беш аз як ҳафта тӯл кашида ва ҳамчунон танишҳои низомӣ миёни ду тараф идома дорад.

Dialog.tj