Кумитаи кор бо занон ва оилаи назди Ҳукумати Ҷумҳурии Тоҷикистон озмуни грантҳои Президенти Ҷумҳурии Тоҷикистонро ҷиҳати дастгирӣ ва рушди фаъолияти соҳибкории занон барои соли 2026 эълон кард.

Манбаъ меафзояд, ки имсол грантҳо барои 200 зани соҳибкор дар ҳаҷми 40 ҳазор, 50 ҳазор, 60 ҳазор, 70 ҳазор, 80 ҳазор, 90 ҳазор, 100 ҳазор ва 110 ҳазор сомонӣ ҷудо карда мешаванд.

Гуфтан ба маврид аст, ки сарои дастгирии фаъолияти бонувони соҳибкор шуруъ аз соли 2006 дар кишвар гранти президентӣ пешбинӣ шудааст. Ин иқдоми Сарвари давлат муҳтарам Эмомалӣ Раҳмон ба бонувоне нигаронда шудааст, ки қодиранд ҳам ҳаёти худ ва ҳам аз чандин занони бекорро беҳтар намоянд.

Ёдовар мешавем, ки доираи фаъолияти соҳибкории занон, ки гранти президентӣ мегиранд, хеле васеъ буда, онҳо ба эҳёи ҳунарҳои миллӣ, таъсиси коргоҳҳои хурди ҳунарҳои дастӣ, қолинбофӣ, парвариши чорвову парандаву моҳӣ, коркарди меваи хушк ва ғайраҳо шуғл меварзанд.

Dialog.tj