Сандуқи ҳимоят аз кӯдакони Созмони Милали Муттаҳид (ЮНИСЕФ) аз кумаки 4,4 миллион долларии давлати Ҷопон ба Афғонистон хабар додааст.

ЮНИСЕФ рӯзи панҷшанбе, 26-уми феврал дар гузорише гуфта аст, ки ин маблағ ба сокинони осебдида аз вазъиятҳои изтирорӣ ва балоҳои табиӣ ихтисос меёбад.

Тибқи гузориш, ин маблағ имкони ироаи хадамоти наҷотбахш ба 90 ҳазор танро фароҳам мекунад, ки нисфи онҳо кӯдакон ҳастанд.

ЮНИСЕФ гуфта аст, ки дар соли 2025 беш аз 2,8 миллион тан аз Эрон ва Покистон ба Афғонистон бозгаштаанд, ки ҳудуди 90 дарсади онҳоро занон ва кӯдакон ташкил медиҳанд.

Дар гузориши ЮНИСЕФ омада аст: “Буҳронҳои пайдарпай, созукорҳои асосии муҳофизат аз кӯдакон дар Афғонистонро тазъиф карда аст”.

Сафири Ҷопон дар Афғонистон гуфта аст, ки кишвараш дар канори мардуми Афғонистон истода ва ба вижа аз кӯдакон ва занон дар баробари чолишҳо ҳимоят мекунад.

Ҷопон пештар низ ҳудуди чаҳор миллион доллар ба Барномаи ҷаҳонии озуқа дар Афғонистон кумак карда буд.

Dialog.tj