Фридрих Мертс, сарвазири Олмон, ҳушдор дода, ки ҷаҳон вориди марҳалаи ҷадиде аз ҷангҳо ва даргириҳои ошкор шудааст ва низоми байналмилалии пойбанд бар қонунҳо дар ҳоли фурӯпошӣ аст.

Мертс рӯзи ҷумъа, 13-уми феврал, дар Конфронси амниятии Мюнхен гуфта, ки ҷаҳон вориди марҳалаи ҷадид аз ҷангҳо ва даргириҳои ошкор шудааст, ки инсонҳоро дар ҳолати омодабош нигоҳ медорад ва тағйироти амиқтаре нисбат ба ончӣ дар солҳои гузашта пешбинӣ мешуд, дар ҷаҳон эҷод мекунад.

Сарвазири Олмон таъкид кардааст, ки низоми пойбанд бар қавоини байналмилалӣ, бо вуҷуди нуқсонҳояш дар авҷи худ, дигар вуҷуд надорад ва кишварҳо бояд роҳкорҳои ҷадиде барои таъмини амният ва суботи ҷаҳонӣ биёбанд.

Ӯ афзуда, ки фурӯпошии ин низом сабаби афзоиши танишҳо ва адами итминон дар равобити байналмилалӣ шудааст ва ниёзманди бознигарии асосӣ дар дипломатия ва ҳамкориҳои ҷаҳонӣ аст.

Dialog.tj