СММ: террористон дар Афғонистон ба силоҳҳои тактикӣ дастрасӣ пайдо кардаанд
Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”
Намояндаи Путин: Аврупо ба сӯи фурӯпошӣ ва бесарусомонӣ меравад
Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад
Зану шавҳари бритониёӣ: “Ҳанӯз далели зиндонӣ шудан аз сӯи Толибонро намедонем”
Як ҷуфти бритониёӣ, ки ба муддати ҳафтуним моҳ тавассути Толибон дар Афғонистон боздошт шуда буданд, пас аз бозгашт ба Бритониё аз “шоки фарҳангии бузург” сухан гуфтаанд.
“Би-би-сӣ” рӯзи шанбе гузориш додааст, ки Питери 80-сола ва ҳамсараш Барби Рейнолдзи 79-сола гуфтаанд, ки ҳаргиз ба онҳо гуфта нашуд, чаро боздошт шудаанд.
Ин ҷуфт, ки наздик ба ду даҳа дар Афғонистон як барномаи хайриявиро идора кардаанд.
Ин хонавода дар моҳи сентябр бо миёнҷигарии Қатар аз зиндони Толибон озод шуданд.
Онҳо дар аввали феврали соли 2025 пас аз он ки бо як парвози чартерӣ аз Кобул ба вилояти Бомиён рафтанд, бо дӯсташон Фей Хол ва тарҷумонашон боздошт шуданд.
Толибон гуфтаанд, ки ин ҷуфт қанунҳои Афғонистонро нақз карда буданд ва пас аз тайи марҳилаи қазоӣ озод шуданд, аммо ҳаргиз далели боздошти онҳоро фош накардаанд.
Ин хонавода, ки дар соли 1970 дар Кобул издивоҷ карда буданд, гуфтаанд, ки дар 10 зиндони мухталиф нигаҳдорӣ шудаанд ва дар баъзе ҳолатҳо гумон мекардаанд, эъдом хоҳанд шуд.
Барби гуфтааст, ки ӯ дар зиндон бо 240 зани зиндонӣ будааст, аммо “зиндонҳои бисёр дигаре ҳам бо занон ва 40 кӯдак” вуҷуд доштааст.
Ӯ гуфтааст: “Ҷо бисёр танг буд, барои ин теъдоди афрод ҳудуди ҳафт ҳоҷатхона вуҷуд дошт. Талош карданд ҳаммомҳоро таъмир кунанд, аммо дубора хароб шуданд ва канализатсияҳо ҳамеша саррез мешуд”.
Дар моҳи Рамазон, Барби рӯзона танҳо як бор ғизо дарёфт мекардааст, аммо пас аз Рамазон ҳамон миқдор ғизо миёни ду вақт тақсим мешудааст.
Ӯ афзудааст: “Дучори сӯитағзияи шадид шудам ва камхунӣ гирифтам, Питер гуфт вақте дубора маро дид, 20 сол пиртар шуда будам”.
Муовини намояндаи Амрико рӯзи гузашта дар Шурои амнияти Созмони Милали Муттаҳид гуфт, ки Толибон бо гаравгонгирии шаҳрвандони дигар кишварҳо, аз онҳо ба унвони абзори фишор барои музокирот истифода мекунанд.
Dialog.tj
Хатти хабарҳо
Дидори таърихии Трамп, Ҷинпин, Путин ва саволҳои беҷавоб дар бораи Украина
Муаррифии “Тоҷикистон - гаҳвораи таърих ва тамаддун дар Мовароуннаҳр (Осиёи Марказӣ)” дар Миср
Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард
Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст