Google ва Apple ба тавофуқе расиданд, ки равандҳои гузариш аз iPhone ба Android ва баръаксро сода кунанд. Тибқи ин иқдом, ду ширкат дар ҳоли таҳияи технологияе ҳастанд, ки имкони мубодилаи босуръат ва мустақими маълумотро байни дастгоҳҳо фароҳам меорад ва эҳтиёҷ ба барномаҳои тарафи сеюм, монанди Move to iOS ё Android Switch аз байн меравад.

Бар асоси механизми нав, тамосҳо, аксҳо, видеоҳо ва дигар маълумоти муҳим ба таври худкор интиқол меёбанд. Дастгоҳҳо бидуни воситаҳои иловагӣ, мустақиман дар сатҳи системаи амалиётӣ бо ҳам пайваст мешаванд.

Коршиносон мегӯянд, ки ин тағйирот метавонад посухе ба фишори афзояндаи танзимгарон бошад, ки таҳқиқ доранд, оё ширкатҳо корбаронро ба экосистемаҳои худ маҳдуд мекунанд ё не.

Механизми санҷиш аллакай дар смартфонҳои Pixel пайдо шудааст. Корбарони iPhone низ интизоранд, ки ин имконият дар версияҳои бетаи iOS 26 дастрас гардад.

Dialog.tj