СММ: террористон дар Афғонистон ба силоҳҳои тактикӣ дастрасӣ пайдо кардаанд
Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”
Намояндаи Путин: Аврупо ба сӯи фурӯпошӣ ва бесарусомонӣ меравад
Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад
Толибон мехоҳанд ба ҷои Покистон аз Ҳиндустон дору ворид кунанд
Нуриддин Азизӣ, Вазири саноат ва тиҷорати гурӯҳи террористии Толибон дар Деҳлӣ бо намояндагони Шурои рушди содироти доруи Ҳиндустон мулоқот ва гуфтугӯ анҷом дод.
Вазорат дар хабараш гуфт, ки Ҳиндустон хоҳони афзоиши содироти дору ба Афғонистон мебошад. Қаблан, Вазорати молияи Толибон эълон кард, ки ба воридоти маҳсулоти доруии Покистон баъди се моҳи дигар иҷоза нахоҳад дод.
Абдулғанӣ Бародар, муовини иқтисодии раиси ҳукумати Толибон ба Вазорати молия дастур дод, ки то се моҳи оянда воридоти дору аз Покистонро аз пардохти гумрук озод кунад. Ӯ, ҳамчунин, аз тоҷирони афғон хост, ки роҳҳои ивазкунанда барои гузаргоҳҳо ва бозорҳои Покистон ҷустуҷӯ кунанд.
Вазорати тиҷорати Толибон рӯзи шанбе дар изҳороте навишт, ки “Ҳиндустон алоқамандии худ барои густариши ҳамкориҳо ва афзоиши содироти дору ба Афғонистонро таъкид карда, омодагиии худ барои сармоягузории муштарак ва таъсиси корхонаҳои тавлиди дору дар Афғонистонро эълон дошт”.
Бино ба иттилои ду ҷониб дар хусуси воридоти дору, боло бурдани сифати маҳсулоти дорусозӣ, имкониятҳои сармоягузорӣ ва бартараф кардани мушкилоти мавҷуда дар равандҳои тиҷорати дору миёни ду кишвар табодули назар намуданд.
Вазорати саноат ва тиҷорати Толибон таъкид намуд, ки аз ширкатҳои бонуфузи дорусозии Ҳиндустон ба таври ҳамаҷониба ҳимоят хоҳад кард.
Вазорати тиҷорати Толибон ҳамчунин, иттилоъ дод, ки масъулон ва фаъолони бахши дорусозии Афғонистон аз корхонаҳои пешрафта ва боэътибори дорусозии Ҳиндустон боздид хоҳанд кард.
Расонаҳои афғонистонӣ навиштанд, ки ҳайате аз бахши саноати дорусозии Ҳиндустон низ барои баррасии заминаҳои амалии таъсиси корхонаҳои истеҳсоли дору дар Афғонистон ва густраиши содирот ба Кобул сафар хоҳанд кард.
Dialog.tj
Хатти хабарҳо
Дидори таърихии Трамп, Ҷинпин, Путин ва саволҳои беҷавоб дар бораи Украина
Муаррифии “Тоҷикистон - гаҳвораи таърих ва тамаддун дар Мовароуннаҳр (Осиёи Марказӣ)” дар Миср
Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард
Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст