Як намояндаи Иёлоти Муттаҳидаи Амрико дар Шурои амнияти Созмони Милали Муттаҳид гуфт, ки ҳоло вақти анҷом додани ҷанги Украина фаро расидааст, зеро ин низоъ бо роҳи низомӣ ба поён нахоҳад расид.

Тибқи иттилои “Алҷазира”, ин мақоми амрикоӣ гуфт, ки ҷанг хароҷоти харобкорона ба ҳама ҷонибҳо ба бор овардааст ва ҷомеаи ҷаҳонӣ бояд роҳи хотима додани онро пайдо намояд. Ӯ таъкид кард, ки Вашингтон ба таҳвили силоҳ ба Украина барои дифои худ идома медиҳад.

Ин намоянда ҳушдор дод, ки дар сурати сарпечии Русия аз дархостҳои оташбас имкон дорад, таҳримҳои иқтисодии бештар бар зидди Маскав ҷорӣ шаванд.

Кохи сафед низ қаблан  дар изҳороте гуфт, ки музокирот барои поён бахшидан ба ҷанг идома дорад ва Доналд Трамп аз нақшаи сулҳи пешниҳодшуда ҳимоят мекунад. Ба гуфтаи ин намояндаи Амрико президент аз ҳарду ҷониби низоъ ноумед шудааст.

Ин суханронӣ дар замоне садо медиҳад, ки музокирот миёни Киев ва Маскав ба бунбаст дучор шудааст ва ҷанг ҳамоно талафот ва харобиҳои зиёд ба бор меорад.

Dialog.tj