РУС ТОҶ
27 Сентябр 2026,
якшанбе, 06:09, Душанбе
Диалог. Тоҷикистон ва ҷаҳон
РУС ТОҶ
Амният
13.11.2025 13:08

“Машқҳои муштарак, табодули таҷриба ва омӯзиш”. Вохӯрии Эмомалӣ Собирзода бо Саҳир Шамшод Мирзо

Тавре ки раёсати иттилоот ва робита бо ҷомеаи Вазорати мудофиаи Ҷумҳурии Тоҷикистон хабар медиҳад, 12-уми ноябри равон сафари расмии вазири мудофиаи Ҷумҳурии Тоҷикистон генерал-полковник Эмомалӣ Собирзода ба Ҷумҳурии Исломии Покистон оғоз шуд.

Манбаъ менависад, ки вазири мудофиаи Ҷумҳурии Тоҷикистон Эмомалӣ Собирзода дар доираи сафараш бо раиси Кумитаи муштараки сардорони ситодҳои Қувваҳои Мусаллаҳи Ҷумҳурии Исломии Покистон генерал Саҳир Шамшод Мирзо вохӯриву суҳбат намуд.

“Ҷонибҳо дар оғози суҳбат аз сиёсати сулҳҷӯёнаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Сарвазири Ҷумҳурии Исломии Покистон муҳтарам Шаҳбоз Шариф бо хушнудӣ ёдовар шуда, рушди ҳамкориҳои минбаъдаро дар асоси ин сиёсат нек арзёбӣ намуданд”, - омадааст дар хабарнома.

Гуфта мешавад, ки Эмомалӣ Собирзода ва Саҳир Шамшод Мирзо масъалаи ҳамкориҳои ҳарбӣ ва ҳарбӣ-техникиро баррасӣ намуда, дар шароити вазъи ноустувори минтақа ва ҷаҳон боз ҳам мустаҳкам намудани дӯстону бародариро муҳим арзёбӣ карданд.

Ҳамчунин, иттилоъ дода мешавад, ки баргузории машқҳои муштарак дар ҳарду кишвар, табодули таҷрибаи якдигар ва ба омӯзиш фаро гирифтани хизматчиёни низомӣ аз мавзуъҳои дигари суҳбат буданд.

Dialog.tj

Хатти хабарҳо

Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.