Тибқи назарсанҷии муштараки хабаргузории “Рейтерз” ва муассисаи Ипсос тақрибан 59 фоизи шаҳрвандони Иёлоти Муттаҳидаи Амрико ҷонибдори он мебошанд, ки Вашингтон кишвари Фаластинро расман шиносад.

Бар асоси натиҷаҳои пурсиш 80 фоизи ҷонибдорони Ҳизби декорат ва 41 фоиз ҷонибдорони Ҳизби ҷумҳурихоҳ аз шинохти расмии кишвари Фаластин ҳимоят кардаанд. Ин дар ҳолест, ки фақат 33 фоиз ба ин иқдом мухолифат нишон додаанд.

Дар ҳафтаҳои ахир чанд кишвари ғарбӣ, аз ҷумла Британия, Фаронса, Канада ва ҳамчунин, Австралия Фаластинро расман ба расмият шинохтаанд. Ин иқдом вокуниши тунди ҳукумати Исроилро ба дунбол дошт.

Ҳамчунин, бар асоси ҳамин назарсанҷӣ тақрибан 60 фоизи ширкаткунандагон гуфтаанд, ки посухи Исроил ба ҷанги Ғазза “беш аз ҳад” будааст.

Дар ҳамин ҳол, сатҳи қаноатмандӣ аз сиёсати хориҷии Доналд Трамп баъди миёнҷигарии ӯ дар масъалаи оташбас миёни Исроил ва Ҳамос нисбат ба моҳи июл 38 фоиз боло рафтааст.

Бо вуҷуди эълони оташбас таҳлилгарон мегӯянд, сулҳи миёни Исроил ва Ҳамос ҳанӯз “ноустувор” боқӣ мемонад, зеро масъалаҳои калидӣ, аз ҷумла халъи силоҳи Ҳамос ва идораи ояндаи навори Ғазза ҳалли ниҳоии худро наёфтаанд.

Dialog.tj