Генерал Эрик Смит, фармондеҳи корпуси баҳрии Иёлоти Муттаҳидаи Амрико дар як маросими низомӣ хитоб ба афсарони амрикоӣ гуфт: “Омода бошед, ҷанги навбатӣ наздик аст”.

Ӯ дар ин маросим гуфт, ки ҷанги навбатӣ дар роҳ аст ва неруҳои ӯ бояд барои ҳар гуна сенария омода бошанд.

Бар асоси гузориши расонаҳо, генерал Эрик Смит, фармондеҳи корпуси баҳрии Амрико рӯзи якшанбе дар маросими бахшида ба солгарди таъсиси ин неруҳо, корпуси баҳриро “қувваи 911-и Амрико” номид ва ҳушдор дод, ки баҳриён бояд барои ҳар рӯйдоде, ки дар оянда иттифоқ меафтад, омода бошанд.

Шабакаи “Fox News” ба нақл аз ӯ навишт, ки ӯ бидуни ишора ба кишвари хосе гуфт: “Ҷанги навбатӣ дар роҳ аст. Баҳриён омода хоҳанд буд ва бояд барои ҷанг ва барои пирӯзӣ омода бошанд”.

Изҳороти генерали амрикоӣ дар ҳоле нашр мешавад, ки оташбас дар Ғазза барқарор шуда ва бар сари хотима додани ҷанги Украина гуфтугӯҳо идома дорад. Бархе таҳлилгарон ҳамлаи Амрико ба Эронро аз эҳтимол дур намедонанд.

Мақомоти эронӣ низ дар ҳафтаҳои охир ҳушдор медиҳанд, ки “агар ба Эрон ҳамла шавад, ҷаҳаннам барпо хоҳад шуд”.

Dialog.tj