22 Ноябр 2026,
якшанбе, 20:39, Душанбе
10.10.2025 09:52

Сарони кишварҳо дар аввалин нишасти Ҳамоиши Осиёи Марказӣ - Русия дар шаҳри Душанбе ширкат намуданд

Рӯзи 9-уми октябри соли 2025 дар Бӯстонсарои шаҳрии Ҳукумати Ҷумҳурии Тоҷикистон таҳти раёсати Президенти Ҷумҳурии Тоҷикистон Эмомалӣ Раҳмон бо ширкати сарони кишварҳо “Ҳамоиши Осиёи Марказӣ – Русия” доир гашт.

Дар саҳни Кохи ҳамоишҳо Эмомалӣ Раҳмон сарони давлатҳои ширкаткунандаи нишастро як ба як бо самимият ва эҳтироми хос истиқбол гирифтанд.

Дар ин ҳамоиш, Қосим-Жомарт Токаев, Президенти Ҷумҳурии Қазоқистон, Садир Жапаров, Президенти Ҷумҳурии Қирғизистон, Владимир Путин, Президенти Федератсияи Русия, Сардор Бердимухамедов, Президенти Ҷумҳурии Туркманистон ва Шавкат Мирзиёев, Президенти Ҷумҳурии Ӯзбекистон ширкат намуданд.

Қабл аз оғоз гардидани ҳамоиш маросими аксбардории хотиравӣ доир гардид.

Пас аз он дар толори бошукӯҳи Саразм, бо сарварии Президенти Ҷумҳурии Тоҷикистон Эмомалӣ Раҳмон Ҳамоиши дуюми Осиёи Марказӣ - Русия оғоз шуд.

Эмомалӣ Раҳмон, сарвари кишвар дар суханронии ифтитоҳии худ меҳмонони олимақомро ба Тоҷикистон хайрамақдам гуфтанд ва изҳори итминон намуданд, ки натиҷаҳои ин ҳамоиш барои таҳкими оянда ва густариши ҳамкории судманди бисёрҷониба дар доираи Осиёи Марказӣ-Русия нақши муҳим хоҳад дошт.

Сарвари кишвар таъкид карданд, ки рӯзномаи нишаст масъалаҳои муҳимми ҳамкории минтақавиро фаро мегирад, аз ҷумла густариши робитаҳои тиҷоративу иқтисодӣ, афзоиши сармоягузорӣ, таҳкими ҳамкории гуманитарӣ, таъмини субот ва амнияти минтақа.

Таъкид шуд, ки қарорҳои қабулшаванда аз рӯи натиҷаҳои муҳокимаву гуфтугӯҳо ба таҳкими руҳияи ҳамбастагӣ ва ҳамдигарфаҳмӣ дар миёни кишварҳои ширкаткунандаи нишаст заминаи устувор мегузорад.

Сарвари давлат таъкид намуданд, ки ширкати фаъоли сарони кишварҳо ва ниҳодҳои дахлдори он нишонаи рӯшани иродаи сиёсӣ ва ҳадафманди кишварҳо барои таҳкими муколамаи стратегӣ ва густариши ҳамкориҳои дуҷониба аст.

Дар ҷараёни ҳамоиш масъалаҳои рушди тиҷорат, сармоягузорӣ ва ҳамкории гуманитарӣ, ҳамчунин, иқдомҳои муштараки кишварҳо барои таъмини амнияту суботи минтақавӣ мавриди баррасӣ қарор гирифтанд.

Сарони ҳама кишварҳои ширкаткунанда суханронӣ намуда, андешаҳои худ дар хусуси мавзуъҳои мубрами рӯзро изҳор доштанд.

Дар фарҷом Президенти Ҷумҳурии Тоҷикистон Эмомалӣ Раҳмон натиҷаҳои ҳамоишро ҷамъбаст карда, ба ҳама ширкаткунандагон барои фаъолияти созандаву саҳми арзандаашон изҳори сипос карданд.

Дар поёни нишаст эъломияи ҷамъбастии Ҳамоиши Осиёи Марказӣ - Русия ва Нақшаи амали якҷоя барои солҳои 2025-2027 қабул шуд.

Dialog.tj

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.