20 Ноябр 2026,
ҷумъа, 06:44, Душанбе
01.10.2025 14:38

Қатъи фарогири интернет дар Афғонистон: мушкилот дар низоми бонкӣ ва робитаҳои хориҷӣ

Қатъи фарогири интернет дар Афғонистон, ки аз шоми рӯзи душанбе оғоз гардид, низоми бонкӣ, хадамоти ҳавопаймоӣ, мубодилаҳои тиҷоратии марзӣ ва ҳамчунин, робитаҳои хориҷии ин кишварро ба мушкилот рӯ ба рӯ кардааст. Созмони Милали Муттаҳид аз Толибон хост, ки ҳарчӣ зуд ин мушкилро бартараф кунанд.

Аз замоне, ки расонаҳои Афғонистон қатъи интернет дар саросари Афғонистонро эълон карданд, то ҳоло беш аз 40 соат гузаштааст ва кишвар қариб ба таври комил ба “хомӯшии иттилоотӣ” фурӯ рафтааст. Бисёре аз марказҳое, ки бо интернети нахи оптикӣ хизмат марасонанд, ба мушкилот рӯ ба рӯ шудаанд.

Тибқи гузориши раснаҳои афғонистонӣ, бисёре аз бонкҳои хусусӣ ва фурудгоҳҳои асосии Афғонистон баъд аз қатъи интернет ба мушкил дучор гардида, бо таъхир фаъолият мекунанд. Вале расонаҳои ғарбӣ, аз ҷумла “ВВС” даъво доранд, ки фурудгоҳҳои Афғонистон комилан баста шудаанд.

Исмоил Пуробид, мудири гузаргоҳи марзии “Дуғорун” гуфт, ки бо сабаби қатъи интернет дар Афғонистон аз соати 19-и шаби гузашта то ҳоло равуои мошинҳои боркаш аз марзи Дуғорун ба самти гумруки “Исломқалъа” баста шудааст.

Ӯ афзуд, ки ҳоло ҳадди аққал 800 мошини боркаши эронӣ ва афғонӣ дар боздоштгоҳҳои марзии Дуғорун интизори убур ба самти Афғонистон мебошанд ва бо идомаи қатъи интернет ин шумора боз ҳам бештар хоҳад шуд.

Дар ҳамин иртибот, ҳайати Созмони Милал дар Афғонистон имрӯз аз Толибон даъват намуд, ки дастрасӣ ба интернет ва иртибототро дар саросари Афғонистон барқарор кунад.

Онҳо бо ишора ба ин ки қатъи интернет аз сӯи Кобул робитаи мардуми Афғонистонро бо ҷаҳон қатъ кардааст, ҳушдор дод, ки агар ин амал идома ёбад, низоми бонкӣ ва молиявӣ фалаҷ мешавад. Дастрасӣ ба хадамоти тиббӣ, муомилаҳои молӣ ва ҳавопаймоӣ низ ба шиддат маҳдуд хоҳад шуд.

Дар ҳамин замина, гурӯҳи “Нетблокс” гузориш дод, ки то шоми душанбе пайвастгшавӣ ба интернет фақат то 14 фоиз сатҳи муқаррарӣ коҳиш ёфта, шабакаи нахи оптикӣ ва телефонҳои мобилӣ қариб ки, аз кор мондаанд. Хадамоти телефонӣ, ки асосан ба ҳамин зерсохти нахи оптикӣ вобаста аст, низ ба таври ҷиддӣ осеб дидаанд.

Хабаргузории “Ассошиэйтед пресс” ва “Франс пресс” низ эълон кард, ки на фақат дастрасии телефонӣ бо идораҳову хабарнигоронашон дар вилоятҳои Афғонистон қатъ шудааст, балки имкони тамос бо сарчашмаҳои афғонӣ низ вуҷуд надорад, ки ин нишондиҳандаи густурдагии мушкил аст.

Оғози ин ихтилол ба моҳи гузашта бармегардад. Замоне, ки Ҳайбатуллоҳ Охунзода, роҳбари гурӯҳи Толибон интернетро “омили бадахлоқӣ ва фасод” номида, дастур дод, ки қатъ шавад. Баъдан мақомҳои Толибон тадриҷан аз вилоятҳои дурдаст оғоз ба иҷрои дастур карда ва то имрӯз ҳамаи вилоятҳои кишвар аз дастрасӣ ба интернет маҳрум мебошанд.

Зерсохти интернет дар Афғонистон, ки дар давоми ду даҳаи гузашта сохта шуда буд, асосан ба шабакаи миллии нахи оптикии тӯлаш 9 ҳазору 350 километр такя мекунад.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.