20 Ноябр 2026,
ҷумъа, 06:44, Душанбе
22.09.2025 17:28

Толибон мегӯянд “як ваҷаб” хоки Афғонистонро ба Амрико намедиҳанд

Як қатор мақомоти аршади ҳукумати гурӯҳи террористии Толибон дар вокуниш ба суханони Доналд Трамп, Президенти Амрико дар хусуси бозпас гирифтани назорати Пойгоҳи ҳавоии Багром аз дасти ин гурӯҳ гуфтанд, ки ҳатто як ваҷаб хоки Афғонистонро ба Амрико нахоҳанд дод.

Дар изҳороти ҳукумати сарпарасти гурӯҳи террористии Толибон, ки рӯзи якшанбе дар шабакаи иҷтимоии “Х нашр шуд, зикр мешавад: “Амрико бояд ба ҷойи таҷрибаҳои ноком ва шикастхӯрдаи гузаштааш роҳҳои мантиқӣ интихоб кунад”.

“Иморати исломӣ хостори муносибатҳои нек бо ҳама кишварҳо, бар асоси усулҳои исломӣ, сиёсати хориҷии мутавозин ва иқтисодмеҳвар ва манофеи дуҷониба аст”- зикр шудааст дар изҳороти ин гурӯҳ.

Ҳамчунин, ишора шудааст, ки Иёлоти Муттаҳидаи Амрико дар созишномаи Давҳа уҳдадор шудааст, ки барои ҳифзи тамомияти арзӣ ва истиқлоли сиёсӣ аз зӯр истифода накунад ва дар умури дохилии Афғонистон дахолат накунад. Аз ин рӯ, аз Вашингтон хоста шудааст, ки ба ин созиш пойбанд монад.

Дар ҳамин робита Амирхон Мутаққӣ, сарпарасти Вазорати корҳои хориҷии Афғонистон дар гуфтугӯ бо хабаргузории “Тулуъ нюз” гуфт: “Ҳатто як метр аз хоки Афғонистон ба амрикоиҳо дода нахоҳад шуд”.

“Муомила бар сари ҳатто як ваҷаб аз хоки Афғонистон номумкин аст”- зикр кард Фасеҳуддин Фитрат, сарпарасти Вазорати дифоъи ин гурӯҳи террористӣ.

Ин изҳорот дар ҳоле садо дод, ки субҳи имрӯз Доналд Трамп, Президенти Иёлоти Муттаҳидаи Амрико дар шабакаи иҷтимоии «Truth Social» навишт: “Агар Афғонистон Пойгоҳи ҳавоии Багромро ба созандагони он, яъне Амрико бар нагардонад, рӯйдоди бад рух хоҳад дод”.

Қаблан, Зикриё Ҷалолӣ аз масъулони аршади Вазорати корҳои хориҷии ҳукумати муваққати Толибон дар шабакаи иҷтимоии “Х” навишт, ки Афғонистон ва Амрико бояд бар асоси манофеи муштарак ва эҳтироми мутақобил муносибатҳои сиёсӣ ва иқтисодӣ дошта бошанд. Ӯ афзуд, ки мардуми Афғонистон дар тӯли таърих ҳузури низомиро напазируфтанд ва дар созишномаи Давҳа низ масъалаи бозгашти неруҳои амрикоӣ ба куллӣ рад шудааст.

Доналд Трамп, Президенти Амрико ба дунболи пас гирифтани Пойгоҳи ҳавоии Багром аст. Ӯ чанде қабл гуфт, ба мақомоти амниятӣ дастур додааст, ки корро барои бозпас гирифтани ин пойгоҳ анҷом диҳанд. Ӯ ба Толибон ҳушдор дод, ки агар пойгоҳи ҳавоиро надиҳанд, ҳодисаи бад барояшон рух хоҳад дод.

“Мо ният доштем Багромро нигоҳ дорем, на барои Афғонистон, балки барои Чин, зеро он фақат як соат дуртар аз маконе ҷойгир аст, ки Чин мушакҳои атомии худро месозад”- гуфт Доналд Трамп.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.