Мақомоти иҷроияи ҳокимияти давлатии шаҳри Душанбе хабар медиҳад, ки аз 18-ум то 20-уми сентябр дар “Dushanbe EXPO Centre” — Маркази намоишгоҳи шаҳри Душанбе дуюмин “Намоишгоҳи байналмилалии сайёҳии Душанбе” баргузор мегардад.

Афзуда мешавад, ки намоишгоҳи мазкур бахшида ба Рӯзи ҷаҳонии сайёҳӣ ташкил гардидааст.

Иттилоъ дода мешавад, ки дар “Намоишгоҳи байналмилалии сайёҳии Душанбе” иштироки зиёда аз 200 субъекти хизматрасони соҳаи сайёҳии Тоҷикистон, кишварҳои хориҷӣ ва боздиди зиёда аз 400 меҳмон аз давлатҳои дуру наздик дар назар аст.

“Мақсад аз баргузории «Dushanbe International Tourism Exhibition» рушди соҳаи сайёҳӣ, ташкили бозори сайёҳии минтақа дар шаҳри Душанбе, муаррифии иқтидори бойи табиӣ, сайёҳию фарҳангӣ ва табобатию солимгардонии мамлакат,  омӯзиши таҷрибаи пешқадам, ҷалби сармоягузории мустақими хориҷӣ, татбиқи лоиҳаҳои сайёҳӣ, таҳкими ҳамкории соҳавӣ ва бародаршаҳрӣ, рушди шарикӣ бо субъектҳои хизматрасони сайёҳӣ ва дар ин замина таҳияи стратегияҳои муштараки сайёҳӣ ба шумор меравад”, - навиштааст АМИТ “Ховар” бо истинод ба маълумоти расмӣ.

Dialog.tj