Абдухолиқ Холиқзода, раиси шаҳри Панҷакент ба айёдати сайёҳи рус, ки дар вақти сайёҳат дар кӯҳҳои Панҷакент ҷарроҳат бардошта буд, рафт.

Дар ин бора Мақомоти иҷроияи маҳаллии ҳокимияти давлатии шаҳри Панҷакент хабар додааст.
Гуфта шудааст, ки раиси шаҳри Панҷакент сайёҳи маҷрӯҳро, ки шаҳрванди Федератсияи Русия, сокини шаҳри Екатеринбурги вилояти Свердловск Телитсин Антон Вениаминович аст, дар бемористон аёдат намуд.

Қаблан ҳам дар бораи ҷарроҳат бардоштани сайёҳи рус иттилоъ дода будем. Ин сайёҳ аз Федератсияи Русия ҳангоми саёҳат дар мавзеи Чимтарға аз баландӣ афтода, пояш шикаста, осеби ҷиддӣ дида буд.

Бо супориши мақомоти иҷроияи маҳаллии ҳокимияти давлатии шаҳр гурӯҳи зудамали наҷотдиҳии шуъбаи шаҳрии Раёсати Кумитаи ҳолатҳои фавқулода ва мудофиаи гажданӣ дар вилояти Суғд ба ҷои ҳодиса сафарбар шуда, ӯро ба беморхонаи марказии шаҳр интиқол доданд.

Сайёҳи рус ва ҳамсару писараш, ки ба дидорбинии ӯ омадаанд, аз таваҷҷуҳи мақомоти шаҳрдорӣ, ғамхории табибон, муҳайё кардани шароити мусоид барои табобат изҳори миннатдорӣ карданд. Табибон ҳолати сайёҳи русро қаноатбахш арзёбӣ намуданд.

Dialog.tj