20 Ноябр 2026,
ҷумъа, 06:44, Душанбе
07.09.2025 07:35

Ду заминларзаи дигар дар фосилаи 12 соат Афғонистонро такон доданд. Шумораи қурбониён аз 2200 нафар гузашт

Ду заминларзаи шадиди дигар дар ҷанубу шарқи Афғонистон бо фосилаи 12 соат рӯй дод ва нигаронӣ аз афзоиши талафот ва вайрониҳои бештарро ба миён овард.

Пасларзаҳои рӯзи панҷшанбе ва ҷумъа баъд аз ду заминларзаи харобиовари қаблӣ ба қайд гирифта шуданд. Ҳукумати Толибон то рӯзи панҷшанбе шумори қурбониёни ин офатҳои табииро 2200 нафар ва захмиёнро 3640 нафар эълон кард.

Гурӯҳҳои наҷотбахш дар минтақаи кӯҳистон бо вазъияти душвори обу ҳаво талош доранд, то ҷони одамонро наҷот диҳанд.

Сокинони осебдида дар ин минтақаи зилзилахез барои дастрасӣ ба ниёзҳои аввал мубориза мебаранд. Созмони Милали Муттаҳид ва дигар ниҳодҳо ҳушдор додаанд, ки таъмини буҷа, ғизо, таҷҳизоти тиббӣ ва паноҳгоҳҳо аҳамияти муҳим доранд. Созмони ҷаҳонии тандурустӣ хостааст, ки барои расидонидани кумакҳо 4 миллион доллари иловагӣ ҷудо карда шавад.

Афғонистон кишварест, ки ғайр аз офатҳои табиӣ зери бори ҷанг, фақр ва кам шудани кумакҳои байналмилалӣ қарор дорад.

Нақибуллоҳ Раҳимӣ, сухангӯи бахши тандурустии минтақавӣ гуфт: “Пас аз заминларзаи шаби панҷшанбе бо қувваи 6,2 дараҷа дар вилояти Нангарҳор, ки маркази он дар ноҳияи Шева, наздикии марзи Покистон буд, 13 захмӣ бо мошини ёрии таъҷилӣ ба бемористон интиқол дода шуданд”. Ба гуфтаи ӯ, 10 нафар баъди муолиҷа аз бемористон рухсат шуданд ва вазъи се нафари дигар муътадил мебошад.

Як шоҳиди айнӣ ба хабаргузории Рейтерз гуфт, ки “то ҳол ҷузъиёти пурраи хисорот маълум нест, зеро пасларзаҳо дар Нангарҳор идома доранд”.

Ин заминларза дар Кобул ҳам эҳсос шудааст. Ҷалолобод, маркази Нангарҳор тақрибан 150 километр дуртар аз Кобул воқеъ аст.

Маркази таҳқиқоти илми заминшиносии Олмон эълон кард, ки фақат чанд соат баъд аз заминларзаи панҷшанбе, рӯзи ҷумъа низ заминларзае бо қувваи 5, 4 дараҷа дар ҷанубу шарқи Афғонистон дар умқи 10 километр ба қайд гирифта шуд.

Бо таваҷҷуҳ ба он ки хонаҳо бештар бо масолеҳи суннатӣ, аз қабили деворҳои хиштӣ, сангу чӯб сохта шудаанд, бисёриҳо барои пешгирӣ аз хатари пасларзаҳо тарҷеҳ додаанд, ки дар ҳавои боз бимонанд ва ба хонаҳои худ баргарданд.

Сокинони ноҳияи Нурғули Кунар хонаҳои худро тарк намуда, бо сабаби тарси пасларзаҳо дар теппаҳои канори рӯдхонаҳо ё дар чодарҳо зиндагӣ мекунанд. Ба гуфтаи онҳо, фурӯрезии сангу хок роҳҳои дастрасӣ ба баъзе деҳаҳои осебдидаро масдуд намуда, амалиёти наҷотро ба таъхир андохтааст.

Зилзилаи аввали ҳафта бо қувваи 6 бал, шаби якшанбе рӯй дод, ки яке аз маргбортарин зилзилаҳои Афғонистон буд ва дар умқи 10 километр рӯй дод. Ин ҳодиса дар вилоятҳои Нангаҳор ва Кунар харобиҳои густурдаро ба бор овард.

Зилзилаи дуюм бо қувваи 5, 5 дараҷа рӯзи сешанбе мардумро ба воҳима андохт ва амалиёти наҷотро халалдор кард, зеро лағзиши санг роҳҳои иртиботиро ба деҳаҳои дурдаст баст.

Ин ду зилзилаи нахуст беш аз 6700 хонаҳоро вайрон намуда, ҳамаи деҳаҳоро ба хок яксон намуд. Наҷотдиҳандагон рӯзи панҷшанбе ҷасадҳоро аз зери вайронаҳо берун кашиданд.

Зилзилаҳои Афғонистон асосан дар қаторкӯҳҳои Ҳиндукуш рух медиҳанд, - ҷое, ки плитаҳои тектоникии Ҳинд ва Авруосиё ба ҳам бархӯрд мекунанд.

Созмони ҷаҳонии тандурустӣ эълон намуд, ки лағзиши замин ва фурӯрезии роҳҳои асосӣ амалиёти наҷотро ба таъхир андохтааст ва ҳамзамон таъкид намуд, ки буҷаи бештар барои хидматрасонии тиббӣ ва назорати беморҳо зарур мебошад.

“Камбудии ҳадди аққал 4 миллион доллар будҷа хатари ҷиддӣ ба ҳисоб меравад ва нишондиҳандаи зарурати фаврии ҳимояти байналмилалӣ мебошад”- зикр шудааст дар изҳороти ин созмон.

Ин ниҳод ҳамчунин, аз хатари паҳн шудани бемориҳо дар паноҳгоҳҳои серодам, истифодаи оби носолим ва идораи нодурусти партовҳо ҳушдор дод. Афзоиши шумори афғонистониҳое, ки ахиран аз Покистон ихроҷ шудаанд, фишори иловагӣ бар низоми тандурустии заифи кишвар ворид намудааст.

Ҳукумати Толибон баъд аз зилзилаи якшанбе фавран хостори кумакҳои байналмилалӣ шуд, вале кумакҳо ночиз буданд. Афғонистон, ки баъди ба қудрат расидани Толибон дар соли 2021 аз ҷониби ҷаҳониён канор гузошта шудааст, ҳоло маҷбур аст миллионҳо муҳоҷири бозгаштаро аз Эрон ва Покистон, ҳамчунин, қурбониёни хушксолӣ дар шимолро низ ҷой диҳад.

Созмони Милал ҳушдор додааст, ки захираҳои молӣ барои кумак ба зилзилазадагон ба зудӣ ба анҷом мерасад. Яке аз мақомҳои баландпояи ин созмон дар Афғонистон гуфт, ки Созмони Милали Муттаҳид ният дорад, барои таъмин намудани маблағ фарохони умумии байналмилалӣ эълон кунад.

То ба имрӯз Созмони Милал 10 миллион доллар барои кумак ба Афғонистон ҷудо намудааст. Маблағе, ки аз кумакҳои камранги кишварҳои сарватманд каме бештар аст, ҳарчанд баъзеи онҳо чодар ва дигар лавозимоти иловагӣ фиристодаанд.

Кейт Кэри, муовини дафтари ҳамоҳангии корҳои башардӯстонаи Созмони Милал дар Афғонистон ба Рейтерз гуфт, ки “мо каме маблағи ибтидоӣ дорем, вале қасд дорем даъвати фавриро нашр кунем”.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.