20 Ноябр 2026,
ҷумъа, 06:44, Душанбе
29.08.2025 15:15

Толибон баъди лағви қарордоди нафти “Омӯдарё” коргарони Чинро боздошт карданд

Расонаҳои афғонистонӣ иттилоъ доданд, ки баъд аз лағви қарордоди истихроҷи нафту газ дар ҳавзаи Омӯ миёни Толибон ва Чин, ин гурӯҳ майдонҳои нафтиро зери назорат гирифт ва кормандони чиниро аз он ҷо берун кард. Дар пайи он Толибон 12 шаҳрванди Чинро боздошт намуда, шиносномаҳои онҳоро мусодира кардаанд.

Бар асоси иттилои як корманди ширкати чинӣ дар моҳи июн Толибон бо силоҳ вориди майдонҳои нафтӣ шуда, коргаронро маҷбур ба тарки коргоҳ кардаанд. Баъдтар 12 нафарро дар Кобул боздошт намуданд. Ҳафт нафари онҳо бо дахолати сафорати Чин озод шуда, ба Чин баргаштаанд, вале чор нафари дигар то ҳол дар Кобул нигаҳдорӣ мешаванд. Озодии онҳо дар вақти сафари Вазири корҳои хориҷии Чин Ван И ба Кобул сурат гирифтааст.

Вазорати маъдан ва нафти Толибон иддао дорад, ки ширкат уҳдадориҳои молиявии худро иҷро накардааст ва ҳаққи имтиёзҳоро сари вақт напардохтааст. Вале кормандони ширкати  “F-China” мегӯянд, ки Толибон онҳоро маҷбур ба имзои созишномае кардаанд, ки бар асоси он гӯё шартномаро ихтиёран бекор кардаанд. Ба гуфтаи онҳо, дар иваз Толибон ваъда додаанд, ки шиноснома ва ҳисобҳои бонкии ширкатро, ки миллионҳо доллар арзиш доранд, озод мекунанд.

Як мақоми Толибон тасдиқ намудааст, ки шиносномаҳо мусодира шудаанд, аммо боздошти расмиро рад кардааст. Бо вуҷуди ин, сарчашмаҳои чинӣ изҳор медоранд, ки кормандони онҳо дар амал ба ҳайси гаравгон нигоҳ дошта мешаванд.

Кормандони ширкати чинӣ гуфтаанд, ки ҳузури онҳо фақат ба манзури манфиати молиявӣ набуд, балки мехостанд ба рушди Афғонистон ва суботи минтақаи Шинҷон дар Чин саҳм гузоранд. Яке аз онҳо гуфт, ки “Толибон бо руҳияи бурд-бурд кор намекунанд: онҳо мисли роҳзан фикр мекунанд, ҳама чизро барои худ мехоҳанд”.

Сафорати Чин дар Вашингтон гуфт, аз ин қазия огоҳ нест, вале ба зарурати ҳифзи амнияти шаҳрвандони чинӣ дар хориҷ таъкид намуд. Дар ҳамин ҳол, Умар Самад сафири пешини Афғонистон дар Канада ва Фаронса ҳушдор дод, ки мудирияти нодурусти ин қазия метавонад ба равобити Толибон бо Чин осеб расонад.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.