20 Ноябр 2026,
ҷумъа, 06:44, Душанбе
21.08.2025 17:16

Пас аз вокуниши Ӯзбекистон Толибон ҳайкали Алишер Навоиро бозсозӣ мекунанд

Гурӯҳи террористии Толибон баъди вокуниш ва эътирози мақомоти Ӯзбекистон ба бозсозии ҳайкали Алишер Навоӣ оғоз кардаанд. Ду рӯз қабл, ин гурӯҳ ҳайкали Алишер Навоиро дар чорроҳаи Мазори Шариф вайрон карда буд. Арзиши лоиҳаи бозсозии ҳайкали Алишер Навоӣ 1, 5 миллион афғонӣ муайян шудааст.

Тибқи иттилои Вазорати корҳои хориҷии Ӯзбекистон Толибон баъд аз вокуниши ин ниҳод нисбат ба вайрон кардани ҳайкал изҳори таассуф намуда, ваъда додаанд, ки маҷмааи шоистае ба номи Алишер Навоӣ месозанд.

Маросими оғози корҳои бозсозӣ бо ширкати намояндагони дипломатии Ӯзбекистон дар Мазори Шариф, масъулони идораи хориҷаи Толибон дар шимоли Афғонистон ва мақомоти маҳаллӣ доир гардид.

Абдураҳмон Ҳиммат, шаҳрдори Толибон дар Балх гуфт, ки лоиҳа то як моҳ ба анҷом мерасад. Маҷмаа на фақат бозсозии лавҳаро дарбар мегирад, балки офаридани фазои сабз, ҷойи фароғатӣ, китобхона ва гузоштани лавҳаҳо дар хусуси зиндагӣ ва осори адабии Навоиро дарбар мегирад.

Мақомоти Ӯзбекистон қаблан дар вокуниш ба вайрон кардани ҳайкали Алишер Навоӣ гуфта буданд, ки ин кор “ба ҷойгоҳи шоистаи ин мутафаккир” муносиб нест. Толибон дар посух таъкид карданд, ки ин кор бидуни ҳамоҳангӣ бо Вазорати иттилоот ва фарҳанги онҳо сурат гирифтааст ва Алишер Навоӣ на фақат барои Ӯзбекистон, балки барои мардуми Афғонистон низ шахсияти муҳим мебошад.

Ёдовар мешавем, ки ҳайкали Амир Алишер Навоӣ тақрибан 17 сол қабл аз сӯи шаҳрдори Мазори Шариф бунёд шуда буд. Вайрон кардани ҳайкал аз сӯи Толибон ба вокунишҳои ҷиддӣ рӯ ба рӯ шуд. Роҳила Дустум, духтари Абдурашид Дустум ин амалро “нишонаи душмании Толибон ба мероси фарҳангии кишвар” номид. Як созмони иҷтимоии туркнажодони Афғонистон ин иқдомро идомаи сиёсати “фарҳангситезона ва ҳувиятзудоёнаи Толибон” номида буд.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.