Ин ду роҳбар, бо вуҷуди он ки бузургтарин душманони стратегии якдигар ба шумор мераванд ва тавони нобудии шаҳрҳои асосии тарафи муқобилро зарфи ҳафт соат доранд, бо хунсардӣ ва лабханд вориди музокира шуданд. Тасвире, ки паёми контроли комили авзоъро илқо мекард.

Мулоқоти ахири Владимир Путин ва Доналд Трамп ба саҳнаи ошкор аз қудратнамоии ду абарқудрати атомии ҷаҳон бадал шуд. Дидоре, ки ба гуфтаи Малик Ситез, пажӯҳишгари умури байналмилал аврупоиҳоро хашмгин карда ва мавқеияти онҳоро дар буҳрони Украин беш аз пеш тасзиф кардааст.

Бар асоси ривояти Малик Ситез, нишаст бо намоиши қудрати низомии Амрико оғоз шуд. Путин ва Трамп дар миёни намоишгоҳ ва бомбаафканҳои пешрафтаи В2 зоҳир шуданд ва бо фишурдани дастони якдигар, дар фазое ҳамроҳ бо ғуриши ин ҳавопаймо гуфтугӯро оғоз карданд.

Нишасти хабарӣ пас аз дидор фақат 11 дақиқаву 38 сония тӯл кашид. Путин бо суханронии катбӣ ҳашту ним дақиқа ба шарҳи пешшартҳо ва фурсатҳои худ пардохт, дар ҳоле ки Трамп фақат чаҳор дақиқа суҳбат кард ва ваъда дод, пас аз дидор бо роҳбарони Украина ва Аврупо мавзеашро эълон кунад.

Ба гуфтаи Ситез, дар ин дидор хабаре аз лаҳни таҳдидомези маъмули Трамп набуд ва ӯ бо эҳтиром аз Путин ёд кард ва ӯро “дӯсти наздик” хонд. Путин низ бо нигоҳҳои ҳисобшуда вокуниши истихборотӣ ба ин рафтор нишон дод.

Яке аз нуктаҳои калидии ин нишаст, изҳороти Путин дар бораи масъулияти буҳрони кунунӣ буд. Ӯ гуфт, ки ин вазъият натиҷаи иштибоҳоти Президенти пешини Амрико аст ва таъкид кард, ки агар Трамп дар қудрат буд, ҷанг рӯх намедод. Ба бовари Ситез, ин мавзеъгирӣ як “ҳадяи сиёсӣ” ба Трамп ва подоше аст, ки ӯ муддатҳо дар интизораш буд.

Дар поён Ситез менависад, ки Трамп бозандаи ин дидор набуд, аммо Путин пирӯзи қатъии саҳна ба шумор мерафт. Ӯ оташбасро машрут ба таҳқиқи пешартҳои худ донист, идомаи музокиротро вобаста ба вокунишҳои Аврупо ва Украина кард ва Трампро ба дидори дубора дар Маскав даъват намуд.

Ба гуфтаи ин пажӯҳишгар ин дидор аврупоиҳоро асабонӣ кардааст, зеро бидуни ҳимояти Амрико нақши таъйинкунандае дар буҳрони Украина надоранд. Трамп дирӯз бар дастони аврупоиҳо оби сард рехт. Иборате, ки Ситез онро намоди фосила гирифтани Президенти Амрико аз авлавиятҳои Аврупо дар мувоҷеҳа бо Русия медонад.

Фаришта Бохтарӣ,  Афғонистон