РУС ТОҶ
3 Ноябр 2026,
сешанбе, 13:32, Душанбе
Диалог. Тоҷикистон ва ҷаҳон
РУС ТОҶ
Матолиби ҷолиб дар ВАО
16.08.2025 12:37

Путин: "Ба анҷоми ҷанг бо Украина манфиатдорем". Трамп: "Шояд ба Маскав равам."

Доналд Трамп, Президенти Иёлоти Муттаҳидаи Амрико ва Владимир Путин, Президенти Федератсияи Русия баъди мулоқоти дуҷониба дар Аляска бо ҳузури хабарнигорон нишасти матбуотӣ доир намуданд.

Дар нишасти матбуотӣ хабарнигорони расонаҳои амрикоӣ ва ҷаҳон ҳузур пайдо намуда, ба сарони ду кишвар суол доданд ва аксари суолҳо ба масоили ҷанги Украина марбут буд. Дар нишасти матбуотӣ Владимир Путин гуфт, ки дар Аляска музокироти созанда доир шуд ва хитоб ба Доналд Трамп афзуд: Хушҳолам, ки Шуморо дар саломатӣ мебинам". "Русия ва Иёлоти Муттаҳидаи Амрико ҳамсояҳои наздиканд, ҳарчанд ки уқёнус онҳоро ҷудо мекунад. Аляска бахше аз таърихи муштараки миёни Русия ва Амрико аст”- зикр кард Владимир Путин.

Ӯ афзуд, ки "мо миллати Украинаро ҳамеша миллати бародар мешуморем ва аз ин рӯ, ба ҳалли масъалаи Украина манфиатдор ҳастем". Президенти Федератсияи Русия гуфт, робитаҳои Русияву Амрико аз оғози ҷанги сард ҳоло ба поинтарин ҳад расидааст: “Гуфтугӯ миёни Русия ва Амрико амри зарурӣ аст ва ду кишвар бояд ба гуфтугӯ рӯ меоварданд, то аз бархӯрд дур мешуданд”.

Президенти Русия бо ишора ба ин ки музокирот судманд ва созанда буд, афзуд: “Ҳалли буҳрони Украина бояд аз асос бошад ва нигарониҳои амниятии Русияро бартараф кунад”.  Ӯ афзуд, ки имкони поён додан ба ҷанги Украина вуҷуд дорад. "Мо шоҳиди майли Трамп барои дарк кардани сабабҳои даргирӣ дар Украина будем ва ба анҷоми он алоқамандем”- гуфт Владимир Путин.

Ӯ таъкид кард, агар Трамп президенти Амрико мебуд, ҷанг дар Украина рӯй намедод. Президенти Амрико Доналд Трамп дар нишасти матбуотӣ гуфт, ки гуфтугӯи созанда бо Владимир Путин дошт ва дар бисёр масъалаҳо ба созиш расиданд, вале чанд масъалаи аслӣ боқӣ монд, ки ниёзманди гуфтугӯи бештар аст. “Музокирот бисёр созанда буд, дар хусуси масъалаҳои зиёд ба созиш расидем, ҳарчанд баъзе аз масъалаҳо боқӣ монд”- зикр кард Доналд Трамп.

Ӯ таъкид кард, бо Зеленский ва НАТО тамос мегирад, то онҳоро аз натиҷаҳои мулоқот бо Путин огоҳ кунад. Ӯ бо сипосгузорӣ аз Путин ва ҳайати ҳамроҳаш дар музокирот гуфт, ки эҳтимол дорад ба Маскав сафар кунад. Доналд Трамп таъкид намуд, ки дар масъалаи асосӣ - ҷанги Украина бо Русия ҳанӯз ба созиш нарасиданд, аммо имкони хуб барои созиш вуҷуд дорад.

Dialog.TJ 

Хатти хабарҳо

Сиёсати хориҷӣ
03.11.2026 13:12

Тоҷикистон бо Лаос дар бораи ҳамкориҳои дуҷониба гуфтугӯ кард

Рӯзи 2-юми ноябр намояндагони Вазорати корҳои хориҷии Ҷумҳурии Тоҷикистон ва Ҷумҳурии халқӣ-демократии Лаос дар шаҳри Вентян масъалаҳои таҳкими муколамаи байниҳукуматӣ, рушди робитаҳои тиҷоративу иқтисодӣ ва ҳамкориҳои фарҳангиро баррасӣ намуданд.
Саёҳӣ
02.11.2026 14:36

Рӯзноманигорон ва блогерони Беларус барои дидани имкониятҳои сайёҳӣ ба Тоҷикистон омадаанд

Як гурӯҳ рӯзноманигорон ва блогерони Беларус барои шиносоӣ бо имкониятҳои сайёҳии Тоҷикистон ва муаррифии он ба Тоҷикистон сафар кардаанд. Ҳадафи ин сафар муаррифии имкониятҳои сайёҳӣ, мероси таърихию фарҳангӣ ва анъанаҳои миллии кишвар дар расонаҳои Беларус аст.
Нақлиёт
02.11.2026 13:26

Зиёда аз 54 километр. Сохтмони роҳи автомобилгарди «Балҷувон – Сари Хосор» оғоз мегардад

Миёни Вазорати нақлиёти Ҷумҳурии Тоҷикистон ваширкати «Нанҷинг Коммуникейшн Инҷиниринг Компани Лимитед» оид ба сохтмони роҳи автомобилгарди «Балҷувон – Сари Хосор» қарордод ба имзо расид.
Вилояти Суғд
02.11.2026 13:10

Пешвои миллат дар ноҳияи Шаҳристон бинои литсейи Идрокро ифтитоҳ намуданд

Имрӯз, 2-юми ноябр зимни сафари корӣ дар ноҳияи Шаҳристон, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар деҳаи Ободии деҳоти Бунҷикат муассисаи таълимии хусусии литсейи Идрокро барои 480 хонанда дар ду баст мавриди истифода қарор доданд.
Вилояти Суғд
02.11.2026 11:24

Корхонаи коркарди меваю сабзавот, нӯшокиҳои ташнагишикан ва афшураҳои мева мавриди баҳрабардорӣ қарор дода шуд

1-уми ноябр Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҷамъияти дорои масъулияти маҳдуди Сирдарёро ба истифода доданд.
Вилояти Суғд
02.11.2026 10:43

Сарвари давлат бинои Ҳизби Халқии Демократии Тоҷикистон дар вилояти Суғдро ифтитоҳ намуданд

1-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар кӯчаи Камоли Хуҷандии шаҳри Хуҷанд бинои кумитаи иҷроияи Ҳизби Халқии Демократии Тоҷикистон дар вилояти Суғд ва шаҳри Хуҷандро ифтитоҳ намуданд.