Машқҳои низомии артиши Покистон ва Тоҷикистон бо номи “Дустӣ 2” дар пойгоҳи Фахрободи Тоҷикистон баргузор гардид. Дар ин машқҳои низомӣ, ки тӯли шаш рӯз идома дошт, шаш дастаи низомӣ аз ду гурӯҳ иштирок намуданд. 

Бино ба иттилои расонаҳо, машқҳои низомӣ бар асоси нақшаи пешбинишуда бо муваффақият иҷро гардид. Артиши Покистон хабар дод, ки ҳамаи ҳадафҳои таълимӣ ва дипломатии он “бомуваффақият” амалӣ гардида, неруҳои ширкаткунанда, баландтарин меъёрҳои касбиро нишон доданд.

Тибқи изҳороти махсуси зиддитеррористии Покистон ҳадафи асосии ин машқ тақвияти робитаҳои теърихии низомӣ, такмили усул ва техникаи амалиётҳои зиддитеррористӣ ва боло бурдани ҳамоҳангӣ миёни неруҳои махсуси ду кишвар мебошад.

Дар солҳои ахир ҳамкориҳои амниятии Исломобод ва Душанбе густариш ёфта, мақомоти олии сиёсӣ ва низомии ду кишвар борҳо ба пойтахтҳои якдигар сафар кардаанд.

Dialog.tj