РУС ТОҶ
31 Октябр 2026,
шанбе, 11:50, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
11.08.2025 11:55

Эмомалӣ Раҳмон сулҳи миёни Арманистон ва Озарбойҷонро табрик гуфт

Эмомалӣ Раҳмон, Президенти Ҷумҳурии Тоҷикистон 9-уми август ба сарвазири Арманистон Никол Пашинян бо ирсоли паёми шодбошӣ имзои Эъломияи муштарак миёни Арманистон ва Озарбойҷонро, ки ба гуфтааш роҳро барои сулҳи пойдор боз мекунад, табрик гуфт.

Эмомалӣ Раҳмон ин ҳодисаро “рӯйдоди таърихӣ” номида, аз он истиқбол кард. Сарвари кишвар ба зарурати муколамаи сулҳомез ҳамчун ягона роҳи ҳалли буҳрон ва муноқишаҳо таъкид карда, гуфт, ки созишномаи мазкур метавонад барои таҳкими ҳамсоядорӣ ва ҳамкории миёни ду кишвар, ҳамчунин, субот ва амният дар Қафқоз ва ҳамкории байниминтақавӣ мусоидат намояд.

Президенти Ҷумҳурии Тоҷикистон ба Пашинян саломатӣ ва муваффақиятҳои нав орзу намуд.

Ёдовар мешавем, ки рӯзи гузашта Президенти Озарбойҷон Илҳом Алиев ва Сарвазири Арманистон Никол Пашинян дар Кохи сафед бо ҳузури Доналд Трамп, Президенти Иёлоти Муттаҳидаи Амрико созишномаи сулҳи доимро имзо намуданд. Бо имзои ин созишнома низои 35-сола миёни Арманистон ва Озарбойҷон поён ёфт. Вазорати корҳои хориҷии Федератсияи Русия низ имзои созишномаи сулҳ миёни Арманистон ва Озарбойҷонро истиқбол намуда, онро ба манфиати сулҳ дар Қафқоз донист.

Тибқи ин созишнома роҳи Зангизур, ки вилояти Нахҷавони Озарбойҷонро ба маркази ин кишвар мепайвандад, аз ҷониби як ширкати амрикоӣ ва арманӣ барои 99 сол иҷора шуда ва мудирият хоҳад шуд. Яке аз масоили баҳсбарангез миёни Арманистон ва Озарбойҷон каридори Зангизур буд, ки бо чунин роҳкор роҳи ҳали худро ёфт.

Dialog.tj

Хатти хабарҳо

Чин
31.10.2026 11:11

Чин хостори густариши ҳамкориҳои иқтисодӣ бо Аврупо шуд

Си Ҷинпин, роҳбари Чуҳурии Халқии Чин дар дидор бо раиси ҷумҳури Швейтсария аз зарурати таҳкими ҳамкориҳои иқтисодӣ ва тиҷоратӣ миёни Чин ва Аврупо таъкид кард. Си Ҷинпин дар дидор бо Ги Пармелен, раиси ҷумҳури Швейтсария, хостори густариш ва таҳкими ҳамкориҳои иқтисодӣ бо Аврупо шуд.
Сиёсати хориҷӣ
31.10.2026 10:04

Сироҷиддин Муҳриддин нусхаи эътимодномаи сафири Амороти Муттаҳидаи Арабиро қабул намуд

30-юми октябр вазири корҳои хориҷии Ҷумҳурии Тоҷикистон Сироҷиддин Муҳриддин нусхаи эътимодномаи нахустин сафири муқими Фавқулода ва Мухтори Амороти Муттаҳидаи Арабӣ дар Ҷумҳурии Тоҷикистон Носир Ҳувайдон Зейбон Алӣ Ал-Катбиро қабул кард.
Осиёи Марказӣ
31.10.2026 09:44

Озарбойҷон ва чор кишвари Осиёи Марказӣ байни худ низоми пардохти QR ҷорӣ мекунанд

Бонкҳои марказии Тоҷикистон, Қазоқистон, Қирғизистон, Ӯзбекистон ва Озарбойҷон барои таҳия намудани механизми ҳамгироии низомҳои миллии пардохтҳои QR то охири соли 2026 ба созиш расиданд.
Русия
31.10.2026 09:14

Путин: “Ҷанги Русия ва Аврупо ғолиб нахоҳад дошт”

Владимир Путин, президенти Федератсияи Русия ҳушдор дод, ки дар сурати оғози ҷанг миёни Русия ва кишварҳои Аврупо ҳеч ҷонибе ғолиб нахоҳад шуд. Ӯ гуфт, Маскав қасди ҳамла ба Аврупоро надорад, вале барои ҳама гуна таҳаввулот омода аст.
Сиёсати хориҷӣ
31.10.2026 07:58

Тоҷикистон ва Созмони байналмилалии муҳоҷират масъалаҳои ҳамкориро баррасӣ карданд

Ҷумҳурии Тоҷикистон ва Созмони байналмилалии муҳоҷират масъалаи тақвияти ҳамкорӣ дар соҳаи муҳоҷиратро баррасӣ намуданд. Ҷонибҳо ҳамчунин, дар хусуси вазъи кунунии муносибатҳо ва имкониятҳои рушди минбаъдаи ҳамкорӣ табодули назар намуданд.
Аврупо
30.10.2026 17:44

Беш аз 100 миллиард евро зарар ба Аврупо: Олмон аз талош барои поён додани муноқишаи Эрон ва Амрико хабар дод

Фридрих Мертс, садри аъзами Олмон мегӯяд, ки муноқишаи Эрон ва ИМА роҳи ҳалли низомӣ надорад. Ба гуфтаи ӯ, идомаи даргириҳо то кунун ба Аврупо беш аз 100 миллиард евро зарар расонидааст.
Тандурустӣ
30.10.2026 13:10

Пешвои миллат Маркази аутизми шаҳри Душанберо ифтитоҳ намуданд

Имрӯз, 30-юми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо раиси шаҳри Душанбе Рустами Эмомалӣ дар ноҳияи Фирдавсии пойтахт бинои нави муассисаи давлатии Маркази аутизм дар шаҳри Душанберо мавриди истифода қарор доданд.