20 Ноябр 2026,
ҷумъа, 06:44, Душанбе
08.08.2025 09:30

Толибон як радиоро барои “хандидан”-и хабарнигораш бастаанд

Гурӯҳи террористии Толибон радиои “Насим” дар вилояти Дойкундии Афғонистонро ба далели “хандидан”-и хабарнигораш муваққатан бастаанд.

Тибқи иттилои расонаҳо, як хабарнигори ин радио дар ҷараёни сабти барнома дар ҳузури масъулони гурӯҳи Толибон механдад ва онҳо ба ин далел ӯро боздошт намуда, фаъолияти радиоро маҳдуд кардаанд.

Ризо Ваҳидӣ, муассиси ин радио дар суҳбат бо расонаҳо гуфт, ки рӯзи 6-уми август ду хабарнигор ва мудири масъули радио – Султон Ҷаводӣ, Сафиуллоҳ Ризоӣ ва Муҷтабо Қосимӣ аз сӯи гурӯҳи Толибон баъди он боздошт шуданд, ки як хабарнигори радио дар вақти салом додан ба ҳамкорон дар Идораи сарҳадот ва қавмҳои вилояти Дойкундӣ механдад.

Ризо Ваҳидӣ гуфт, ки хабарнигори ин радио бо дархости ҳамин идора барои таҳияи гузориш рафта буд, вале масъулони истихбороти гурӯҳи террористии Толибон дар он ҷо ҳузур доштанд ва ӯро ба далели хандидан боздошт карданд. Ӯро дастбанд зада, ба мошин мешинонанд ва барои ибрат дар чанд шаҳр гардонда, баъдан ба идораи амнияти вилоят мебаранд.

Гурӯҳи террористии Толибон бо ин қаноат накарда, ба дафтари радио мераванд ва таҷҳизоти онро бо баҳонаи тафтиш мусодира карда ва пахши барномаҳоро мутаваққиф мекунанд. Дар пайи он Султоналӣ Ҷаводӣ ва Муҷтабо Қосимӣ низ боздошт шудаанд.

Ризо Ваҳидӣ мегӯяд, масъулони гурӯҳи террористии Толибон дертар гуфтаанд, ки сабаби боздошту фишор нашри гузорише дар радио аст, ки дар он аз қавли Антониу Гутерриш, Дабири кулли Созмони Милали Муттаҳид дар бораи ҳузури ДОИШ дар Афғонистон матлаб навиштаанд. Ба гуфтаи ӯ, ин гузориш моҳҳо қабл нашр шуда буд ва на фақат аз ҷониби радиои “Насим”, бал аз ҷониби чандин расонаи дигар низ интишор ёфта буд.

Гурӯҳи террористии Толибон се хабарнигори ин радиоро шаби гузашта бо замонат аз зиндон озод намуда, аммо фаъолияти радиоро манъ кардаанд.

Ёдовар мешавем, ки гурӯҳи террористии Толибон фаъолияти расонаҳоро дар Афғонистон маҳдуд кардаанд. Онҳо хабарнигоронро боздошт мекунанд ва фаъолияти расонаҳоро маҳдуд менамоянд.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.