Эмомалӣ Раҳмон, Президенти Ҷумҳурии Тоҷикистон ва Сердар Бердимухамедов, Президенти Ҷумҳурии Туркманистон рӯзи 5-уми август дар минтақаи Авазаи Туркманистон дидор ва гуфтугӯ намуданд. Ин мулоқот дар ҳошияи конфронси сеюми Созмони Милали Муттаҳид оид ба кишварҳои рӯ ба тарраққии вобаста ба хушкӣ доир гардид.

Тибқи иттилои расмӣ, ҷонибҳо маҷмуи масъалаҳои дуҷонибаи сиёсӣ, иқтисодӣ ва минтақавиро баррасӣ карда, ба таҳкими ҳамкориҳо дар заминаҳои мухталиф таъкид намуданд.

Президенти Тоҷикистон Эмомалӣ Раҳмон таъкид намуданд, ки шаҳри Душанбе ба рушди муносибатҳо бо Туркманистон аҳамияти доимӣ медиҳад. Ҷонибҳо аз идомаи муколамаи сиёсӣ ва густариши робитаҳои байнипарлумонӣ ҳимоят карданд.

Мавзуи рушди тиҷорат ва иқтисод бахши муҳимми гуфтугӯ буд. Пешниҳод гардид, ки барои солҳои 2026-2028 “Харитаи роҳ” –и ҳамкориҳои тиҷоративу иқтисодӣ таҳия ва иҷро карда шаванд. Ҳамзамон, истифодаи имкониятҳои комиссияи байниҳкуматӣ барои густариши тиҷорат ва сармоягузорӣ муҳим арзёбӣ гардид.

Ҳар ду роҳбар бар зарурати роҳандозии парвозҳои мунтазам миёни пойтахтҳо – Душанбе ва Ашқобод – таъкид намуданд. Дар мулоқот масъалаи таҳкими муносибатҳо дар соҳаи маориф, тандурустӣ, фарҳанг, варзиш ва робита бо ҷавонон мавриди гуфтугӯ қарор гирифт.

Dialog.tj