22 Ноябр 2026,
якшанбе, 06:53, Душанбе
24.07.2025 15:56

“То замоне Исроил ба мавҷудияти худ идома медиҳад, дар ҷаҳон сулҳ намешавад”.

Майкл Уоллес, намояндаи пешини парлумони Аврупо дар як навишта дар шабакаи иҷтимоии “Х” таъкид кард, то замоне ки режими Исроил ба мавҷудияти худ идома медиҳад, дар ҷаҳон сулҳ имконпазир нахоҳад буд.

Рӯзи сешанбе Майкл Уоллес бо нашри як паём дар шабакаи иҷтимоии "Х" ҳамлаҳои режими Исроилро ба кишварҳои мухталиф маҳкум карда, навишт: “То замоне ки ин режим вуҷуд дорад, дар ҷаҳон сулҳ вуҷуд нахоҳад дошт”.

Майкл Уоллес, ки қаблан низ бо шиддат бар зидди режими Исроил изҳори назар карда буд, дар паёми ахири худ қайд кардааст: "Фақат дар се моҳи ахир режими Исроил ба кишварҳои Лубнон, Сурия, Фаластин, Яман ва Эрон ҳамлаи ҳавоӣ анҷом додааст. Ин дар ҳолест, ки кишварҳои аврупоӣ чашмонашонро ба рӯи нақзи ошкори ҳуқуқи байналмилалӣ аз ҷониби Исроил бастаанд. То замоне, ки саҳюнизм шикаст нахӯрад, сулҳ дар ҷаҳон нахоҳад шуд”.

Ӯ, қаблан, дар посух ба сафар ва боздиди Бенямин Нетаняҳу, сарвазири режими Исроил ба Вашингтон гуфта буд, ки “Амрико ба як ҷинояткори ҷангӣ эҳтиром мегузорад”.

Майкл Уоллес бо нашри як навори видеоӣ аз лаҳзаи фуруд омадани Бенямин Нетаняҳу ба Амрико дар саҳифаи худ дар “Х" навишт: “Амрико дар сафи эҳтиром ба як ҷинояткори ҷангӣ қарор гирифтааст”.

Дар ин навор, ки аввалин бор аз ҷониби як корбари дигар бо ҷумлаи кинояомези “Президенти Амрико ба хона бармегардад” нашр шуда буд, Бенямин Нетаняҳу ва ҳамсараш дида мешаванд, ки аз зинаҳои ҳавопаймо дар Иёлоти Муттаҳида поин мешаванд.

Dialog.tj 

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.