Шоми 23-уми июл Президенти Муғулистон Ухнаагийн Хурэлсух бо сафари расмӣ ба Ҷумҳурии Тоҷикистон ташриф овард. Дар ин бора дафтари матбуоти Президенти Ҷумҳурии Тоҷикистон хабар дода, афзудааст, ки рӯзи 24-уми июл маросими бошукуҳи истиқболи Президенти Муғулистон Ухнаагийн Хурэлсух дар майдони Қасри миллат доир гардид.

Эмомалӣ Раҳмон, Президенти Ҷумҳурии Тоҷикистон аз Президенти Муғулистон Ухнаагийн Хурэлсух самимона иқтиқбол карда, ӯро ба болои шоҳсуфаи фахрӣ даъват намуданд.

Тибқи иттилоъ, маросими иқтиқбол бо гузориши командири қаровули фахрӣ ба меҳмони воломақом, арзи эҳтиром ба Парчами давлатии Тоҷикистон ва шиносоӣ бо ҳайати расмии ду ҷониб, ҳамчунин, бо қадамзании мутантан ва гузаштани ҷузъу томҳои қаровули фахрӣ аз назди сарони ду кишвар сурат гирифт.

Ба ифтихори ташриф овардани Президенти Муғулистон аз тупхонаҳо 21 маротиба тир шиллик карда шуд.

Лозим ба зикр аст, ки сафари давлатии Президенти Муғулистон то рӯзи 26-уми июл идома меёбад. Дар ин сафар бо ширкати роҳбарони ду кишвар чорабиниҳои муҳимми сиёсиву тиҷоратӣ, аз ҷумла баргузор шудани аввалин форуми иқтисодӣ ва рӯзҳои фарҳангии Муғулистон дар назар дошта шудааст.

Dialog.TJ