Сироҷиддин Муҳриддин, вазири корҳои хориҷии Тоҷикистон дар суҳбати телефонӣ бо Сайид Аббос Ироқчӣ, вазири корҳои хориҷии Ҷумҳурии Исломии Эрон дар хусуси робитаҳои дуҷониба ва таҳаввулоти охири минтақа баъд аз таҷовузи режими Исроил ва Амрико ба хоки Эрон табодули назар карданд.

Дар суҳбати телефонии судманд ду ҷониб масъалаҳои муҳимми минтақавӣ ва байналмилалӣ, бахусус таҷовузи низомии режими Исроил ва Амрико бар зидди Эронро баррасӣ намуданд. Сироҷиддин Муҳриддин бори дигар чунин амалҳои таҷовузкорона ва ғайриқонуние, ки бо принсипҳои асосии СММ ва ҳуқуқи байналмилалӣ мухолиф аст, маҳкум намуда, ҳамдардӣ ва ҳамбасдагии худ ва мардуми Тоҷикистонро ба мардум ва ҳукумати Эрон изҳор дошт.

Сироҷиддин Муҳриддин дар ин суҳбат таъкад кард, ки Тоҷикистон дар арсаи байналмилалӣ ва дар робитаҳои дуҷониба бо дигар кишварҳо низ чунин ҳамлаҳои ғайриқонунӣ ва ғайримантиқиро маҳкум мекунад ва бовар дорад, ки мардуми бузург ва ҳушманди Эрон ин марҳиларо низ бо қувват ва ҳамбастагӣ паси сар хоҳанд кард.

Сайид Аббос Ироқчӣ аз мавқеи қатъии Тоҷикистон дар маҳкум намудани таҷовузи режими Исроил ва Амрико ба таври вижа қадрдонӣ кард. Ӯ таъкид кард, ки мавқеи муттаҳид ва ягонаи кишварҳои минтақа ва исломӣ дар маҳкум намудани ин таҷовуз нишони дарки умумии ҷомеаи ҷаҳонӣ нисбат ба хатари қонуншикании Исроил ва Амрико аст.