Шаҳбоз Шариф, сарвазири Ҷумҳурии Исломии Покистон дар изҳороти расмии худ гуфт, ки мавқеи ҷасурона ва устувори Ҷумҳурии Исломии Эрон дар баробари таҷовузҳои режими саҳюнистии Исроил сазовори таҳсин аст.

“Мо аз иқдомҳои далеронаи Эрон дар посух ба ҳамлаҳои Исроил қотеъона ҷонибдорӣ мекунем. Шубҳае нест, ки Исроил нисбати Эрон таҷовуз анҷом додааст. Эрон дар ин ҳолат аз ҳаққи қонунии худ барои ҳимояи истиқлол ва якпорчагии сарзаминаш истифода бурд” – таъкид кард сарвазири Покистон.

Шаҳбоз Шариф афзуд, ки дар ҳошияи нишасти ахири вазирони корҳои хориҷии кишварҳои узви Созмони ҳамкории исломӣ, ки дар шаҳри Истанбул доир шуд, фармондеҳи артиши Покистон генерал Сайид Осим Мунир бо доктор Сайид Аббос Ироқчӣ, вазири корҳои хориҷии Эрон мулоқоти муҳим анҷом доданд.

Ба гуфтаи ӯ, дар ҷараёни мулоқоти беш аз яксоата фармондеҳи артиши Покистон дипломати баландпояи Эронро дар бораи талошҳои дипломатии Исломобод ба хотири ҳимоят аз мавқеи Эрон ва қатъ кардани ҷанг дар минтақа дар ҷараён гузошт.

Dialog.tj