22 Ноябр 2026,
якшанбе, 06:29, Душанбе
24.06.2025 04:39

Эрон 3 шаҳрванди Украинаро барои ҷосусӣ ва қасди ҳамла ба корхонаи берсарнишинсозӣ боздошт кард

Мақомоти амниятии Ҷумҳурии Исломии Эрон эълон намуданд, ки се шаҳрванди Украинаро бо гумони “ҳамкорӣ бо хадамоти иктишофии Украина” дар Теҳрон боздошт кардаанд. Ба гуфтаи мақомоти эронӣ ин се шаҳрванди Украина барои ҳамлаи мусаллаҳона ба як корхонаи махсуси бесарнишинсозӣ дар Эрон омодагӣ медиданд.

Бар асоси иттилои “Тасним” мақомоти амниятии Эрон тавонистанд, ки пеш аз амалӣ шудани ин ҳамлаи мусаллаҳона онҳоро боздошт намуда, аз ҳамла пешгирӣ кунанд. Дар гузориш зикр мешавад, ки “ин афрод қасди анҷом додани амалиёти харобкоронаеро доштанд, ки амнияти миллии Эронро зери хатар мегузошт ва ба иншооти стратегӣ осеб мерасонд”.

Ба гуфтаи мақомоти эронӣ бозпурсии афроди боздоштшуда идома дорад, то ҷузъиёти бештар дар хусуси шабакае, ки онҳо ба он вобастаанд ва ҳамчунин, иртиботи эҳтимолии ин афрод бо унсурҳои хориҷӣ ошкор гардад.

Мақомоти амниятии Эрон аз боздошти даҳҳо нафар ҷосусони Исроил, аз ҷумла шаҳрвандони хориҷӣ, ки дар амалиётҳои харобкорона ширкат доштанд, хабар медиҳанд. То ба имрӯз аз боздошти шаҳрвандони ҳиндӣ ва афғонӣ барои ҷосусӣ ба манфиати Исроил гузориш нашр шудааст. Аз оғози ҷанги Эрон ва Исроил, садҳо нафар дар Эрон бо иттиҳоми ҷосусӣ ва ҳамкорӣ бо Исроил боздошт шудаанд. Танҳо дар ҳафтаи гузашта, се нафар ба иттиҳоми ҷосусӣ барои Исроил дар Эрон ба қатл расонида шуданд.

Dialog.tj

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.