Раёсати амр ба маъруфи гуруҳи террористии Толибон дар идомаи маҳдудиятҳо бо содир кардани як қарор бозиҳои компютерӣ ва футболи дастиро манъ кардаанд.

Гуфта мешавад, ки мақомоти ниҳоди амр ба маъруфи Толибон дар шаҳри Мазори Шарифи вилояти Балх ва вилояти Дойкундӣ даҳҳо марказҳои бозиҳои компютерӣ ва марказҳои бозиҳои футболи дастиро бастаанд.

Мақомоти гуруҳи террористии Толибон сабаби ин қароррро “мухолифат бо шариати исломӣ” хонда, гуфтаанд, ки “Фигураҳои футболбозии дастӣ ба бут монанданд ва азбаски бутпарастӣ дар Ислом ҳаром аст, ин бозӣ низ аз нигоҳи шаръӣ ҳаром мебошад”.

Онҳо пешниҳод кардаанд, ки агар сари фигураҳои бозӣ бурида шавад, он вақт ба бозиии футболбозии дастӣ иҷозат медиҳанд. Футболбозии дастӣ яке аз бозиҳои шавқовари компютерист, ки дар марказҳои компютерӣ ба ҷавонон пешниҳод мешавад.

Тайи моҳҳои ахир Толибон қарорҳои маҳдудкунандаи бештар содир мекунанд. Ҳафтаи гузашта онҳо гирифтани мӯйи сари ҷавонон бо усули ғарбӣ ва пӯшидани кастюму шим ва бастани галстукро манъ карда буданд.

Dialog.TJ