Президенти Ҷумҳурии Қазоқистон Қосим Ҷомарт Тоқаев дар нишасти кишварҳои Осиёи Марказӣ бо Италия гуфт, ки кишвараш омодаааст шароити мусоидро барои ширкатҳои италиявӣ дар заминаи ҷустуҷӯ ва коркарди маъданҳои нодири зеризаминӣ фароҳам кунад.

“Мо  омода ҳастем барои ширкатҳои италиявӣ шароити мусоид барои ҳамкорӣ дар ҷустуҷӯи геологӣ ва истихроҷи маъданҳои нодири зеризаминӣ ва минералҳо пешниҳод кунем, бо истифода аз формулаи “сармоягузорӣ ва технология дар иваз барои ашёи хоми стратегӣ”, – гуфт Қосим Ҷормат Тоқаев.

Президенти Қазоқистон ҳамчунин пешниҳод кард, ки маркази минтақавии таҳқиқотӣ таъсис дода шавад, ки ҳамаи иттилооти марбут ба маъданҳои нодири зеризаминӣ дар Осиёи Марказиро ҷамъоварӣ кунад.

Бинобар гуфтаи мақомоти Қазоқистон дар моҳи апрели соли равон дар қисмати марказии шаҳр харитаи бузурги маъданҳои нодири зеризаминӣ кашф шудааст, ки захираи умумии он беш аз 20 миллион тонна мебошад.

Dialog.TJ