20 Ноябр 2026,
ҷумъа, 02:35, Душанбе
27.05.2025 15:19

Арабистон беш аз 13 ҳазор нафарро барои сафари ғайриқонунӣ ба ҳаҷ боздошт кард

Вазорати корҳои дохилии Арабистони Саудӣ рӯзи сешанбе хабар дод, ки дар як ҳафтаи охир, аз 15-ум то 21-уми май дар ҷараёни гузаронидани санҷиш ва амалиёти муштарак бо дигар ниҳодҳои давлатӣ, 13 ҳазору 118 нафар шаҳрвандони хориҷӣ, ки ғайриқонунӣ ба сафари ҳаҷ омадаанд, боздошт шуданд.

Аз ин шумора, 8 ҳазору 150 нафар барои вайрон кардани қонунҳои истиқомат, 3 ҳазору 344 нафар барои вайрон кардани қонуни амнияти марзӣ ва 1 ҳазору 624 нафар барои вайрон кардани қонуни меҳнат боздошт шудаанд.

Бар асоси иттилои ин вазорати Саудӣ, 11 ҳазору 566 нафар барои вайрон кардани қонунҳои сафари ҳаҷ аз қаламрави ин кишвар депорт шудаанд. Ҳамчунин, 15 ҳазору 936 нафар барои дарёфт кардани ҳуҷҷатҳои зарурии сафар ба ҳаҷ ба намояндагии дипломатии кишварҳояшон фиристода шуданд. Ҳамчунин, 1 ҳазору 359 нафар барои анҷом додани захира ва банақшагирии сафари ҳаҷ ба намояндагии дипломатии кишварҳояшон фиристода шуданд.

Ин Вазорат хабар додааст, ки 1 ҳазору 207 нафар дар вақти ворид шудани ғайриқонунӣ ба қаламрави Арабистони Саудӣ боздошт шудаанд. Аз ин ҳисоб, 37 дарсад шаҳрвандони Яман ва 61 дарсад шаҳрвандони Эфиопия мебошанд. Ҳамчунин, 13 нафар барои интиқол додани ғайриқонунии ҳоҷиён ба Арабистони Саудӣ боздошт шудаанд. 

Дар маҷмуъ 21 ҳазору 872 нафар ҳоҷиёни ғайриқонунии хориҷӣ, ки 20 ҳазору 616 нафарашон мард ва 1 ҳазору 256 нафари дигари онҳо зан мебошанд, ҳоло дар марҳилаи мухталифи ҳуқуқӣ қарор доранд ва нисбати онҳо чораҳои ҳуқуқӣ, аз ҷумла ҷазо андешида мешавад.

Вазорати корҳои дохилии Арабистони Саудӣ ҳушдор додааст, ҳар шахсе, ки ба ворид шудани ғайриқонунии афрод ба қаламрави ин кишвар кумак мекунад, онҳоро интиқол медиҳад, ба онҳо паноҳ медиҳад ё хизматрасонӣ мекунад, ба 15 соли зиндон ё 1 миллион риёл ҷарима рӯ ба рӯ мешавад. Ҳамчунин, хона ва воситаҳои нақлиётие, ки барои интиқоли ҳоҷиён ба шакли ғайриқонунӣ истифода мешаванд, мусодира мегарданд.

Dialog.tj

Хатти хабарҳо

19.11.2026 17:28

Дидори таърихии Трамп, Ҷинпин, Путин ва саволҳои беҷавоб дар бораи Украина

Президенти Иёлоти Муттаҳидаи Амрико, Чин ва Русия дар аввалин нишасти сеҷонибаи “таърихии” худ дар шаҳри Шенҷени Чин масъалаҳои вобаста ба ҷанги Украина, назорати силоҳи атомӣ, амнияти байналмилалӣ ва таъмини бозорҳои ҷаҳонӣ бо захираҳои энергетикиро баррасӣ карданд.
19.11.2026 15:05

Тоҷикистон ташаббуси лоиҳаҳои муштарак барои ҳифзи кӯҳҳо ва чарогоҳҳоро пешниҳод кард

Тоҷикистон бо Қирғизистон ва Ӯзбекистон мехоҳад барои барқарор намудани чарогоҳҳои харобшуда ва ҳифзи экосистемаҳои кӯҳӣ барномаҳои муштарак таҳия кунад. Дар ин барнома таваҷҷуҳи асосӣ ба водии Фарғона ва минтақаҳои кӯҳии атрофи он равона хоҳад шуд.
19.11.2026 15:00

Як сокини маҳаллӣ дар Ӯзбекистон ба гумони додани таълимоти динӣ ба 7 кӯдаки тоҷик боздошт шудааст

Дар вилояти Намангони Ӯзбекистон як сокини маҳаллӣ бо гумони ташкил намудани таълими ғайриқонунии динӣ барои 12 нафар боздошт шудааст. Ҳафт нафари ин кӯдакон аз кишвари Тоҷикистон будаанд. Ин сокини маҳаллӣ барои таълим аз ҳар як кӯдак 100 доллар маблағ мегирифтааст.
19.11.2026 14:54

Вазири қазоқ: Фаъолияти гурӯҳҳои террористӣ дар Афғонистон ва густариши ақидаҳои ифротӣ амнияти Осиёи Марказиро таҳдид мекунанд

Қазоқистон аз ҷомеаи байналмилалӣ хост, ки барои муқобила бо хатарҳои амниятии вобаста ба Афғонистон муттаҳидона чораандешӣ кунанд.
19.11.2026 13:19

СММ: террористон дар Афғонистон ба силоҳҳои тактикӣ дастрасӣ пайдо кардаанд

Гурӯҳҳои террористии фаъол дар хоки Афғонистон ба таҷҳизоти муосири тактикӣ, аз ҷумла паҳбодҳо дастрасӣ пайдо кардаанд. Дар ин бора Александр Зуев, муовини дабири кулли Созмони Милали Муттаҳид оид ба мубориза бо терроризм хабар додааст.
19.11.2026 13:11

Трамп: “Амрико барои поён додан ба ҷанг бо Эрон ба кумаки Русия Ва Чин ниёз надорад”

Президенти Иёлоти Муттаҳидаи Амрико дар остонаи нишасти сеҷониба гуфт, ки кишвараш барои поён додан ба ҷанг бо Эрон ба кумаки Русия ниёз надорад ва мақсади дарёфти кумак аз Маскаву Пекинро ҳам надорад.
19.11.2026 13:03

Дар баданаш пинҳон карда буд. Мусодираи зиёда аз 3,5 кило маснуоти тиллоӣ дар Фурудгоҳи байналмилалии Душанбе

Аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ дар ҳудуди Фурудгоҳи байналмилалии Душанбе шаҳрванд Юлдашева Рафоат Ҳусаиновна, соли таваллудаш 27-уми сентябри соли 1976, сокини шаҳри Душанбе, бо гумони интиқоли ғайриқонунии маснуоти тиллоӣ аз хориҷи кишвар боздошт карда шуд.
19.11.2026 13:02

Вазорати саноат барои бошандагони мактаб-интернати Ҳисор зиёфат дод

Вазорати саноат ва технологияҳои нави Ҷумҳурии Тоҷикистон ба муносибати Рӯзи Президенти мамлакат дар Мактаб-интернати низомаш махсуси шаҳри Ҳисор барои 270 нафар зиёфати идона ташкил карда шуд.
19.11.2026 10:37

Намояндаи Путин: Аврупо ба сӯи фурӯпошӣ ва бесарусомонӣ меравад

Намояндаи хоси Президенти Федератсияи Русия Владимир Путин дар умури сармоягузорӣ ва иқтисод Кирилл Дмитриев гуфт, афзоиши буҳрони муҳоҷиратӣ, иқтисодӣ ва иҷтимоӣ метавонад Аврупоро ба хатари фурӯпошӣ ва бесарусмонии иқтисодиву иҷтимоӣ рӯбарӯ кунад.
19.11.2026 10:30

Русия ба озмоишгоҳи мактабҳои Тоҷикистон таҷҳизоти рақамӣ медиҳад

Федератсияи Русия барои мактабҳои Ҷумҳурии Тоҷикистон, Ҷумҳурии Қирғизистон ва Муғулистон 42 маҷмуи озмоишгоҳҳои рақамиро дар соҳаҳои физика, биология, химия ва информатика мефиристад. Ин таҷҳизот барои гузарондани машғулиятҳои амалӣ дар муассисаҳои таълимӣ пешбинӣ шудааст.
19.11.2026 10:23

Қазоқистон аккаунтҳои кӯдакони то 16 - соларо дар шабакаҳои иҷтимоӣ манъ мекунад

Ҷумҳурии Қазоқистон тасмим гирифтааст, ки истифодаи аккаунтҳои шабакаҳои иҷтимоиро барои кӯдакони синнашон то 16 -сола манъ кунад. Бар асоси ин пешниҳод, аккаунтҳое, ки ба ин талабот посухгӯ нестанд, аз ҷумла онҳое ки қаблан сохта шудаанд, баста мешаванд.