Президенти Амрико Доналд Трамп рӯзи шанбе, 17-уми май эълон кард, рӯзи душанбе, 19-уи май бо президенти Федератсияи Русия Владимир Путин ба хотири поён додани ҷанги маргбори Украина гуфтугӯи телефонӣ хоҳад дошт. Доналд Трамп афзуд, ки баъди гуфтугӯ бо Валидимир Путин бо президенти Украина ва шуморе аз роҳбарони кишварҳои узви НАТО низ гуфтугӯ хоҳад кард.

“Мавзуъҳое, ки дар ин тамос матраҳ хоҳад шуд, қатъ кардани “ҳаммоми хун”-е аст, ки ба таври миёна ҷони беш аз 5000 сарбози рус ва украиниро ҳар ҳафта мегирад”- таъкид кард Доналд Трамп.

Эълони тамоси телефонии Доналд Трамп бо Владимир Путин баъди аввалин музокироти мустақими Русия бо Украина баъд аз се сол сурат мегирад.

Доналд Трамп изҳори умедворӣ кард, ки “ин рӯз, рӯзи пурбор бошад, отшабас бақарор шавад ва ин ҷанги бисёр хушунатбор, ки ҳаргиз набояд оғоз мешуд, поён ёбад”.

Президенти Амрико гуфт, ки қасд дорад дар ин гуфтугӯи телефонӣ бо Владимир Путин дар масъалаҳои тиҷорат низ суҳбат кунад.

Дар ҳамин ҳол, Крелм эълон кард, ки омодагиҳо барои анҷоми суҳбати телефонии Владимир Путин бо Доналд Трамп дар ҳоли анҷом аст.

Вазорати корҳои хориҷии Амрико низ эълон намуд, ки Марко Рубио ва Сергей Лавров, Вазири корҳои хориҷии Русия суҳбати телефонӣ анҷом дода, аз созиш бар сари табодули беш аз 1000 сарбоз миёни Укрина ва Русия истиқбол карданд.

Ёдовар мешавем, ки рӯзи ҷумъа 16-уми май дар шаҳри Истанбули Туркия нахустин даври музокирот миёни ҳайати Русия ва Украина доир гашт. Дар ин даври музокироти мустақим, ҷонибҳо ба созиш расиданд, ки ҳазор асири ҷангиро бо ҳам табодул кунанд. Ҳамчунин, ҷонибҳо ба созиш расиданд, ки барои поёни ҷанг ва барқарор шудани оташбас музокироти мустақимро идома диҳанд.