Президенти Иёлоти Муттаҳидаи Амрико рӯзи панҷшанбе, 15-уми май дар нишасти хабарӣ бо Амири Қатар дар Давҳа - пойтахти Қатар гуфт, ки Вашингтон ва Теҳрон дар ҳоли дастёбӣ ба созишномаи атомӣ ҳастанд.

Доналд Трамп таъкид кард, ки Эрон бояд аз Амири Қатар сипосгузор бошад ва чунин шарҳ дод: “Зеро ӯ аз ҳамлаи мо ба Эрон пешгирӣ мекунад, ин дар ҳолест, бархе кишварҳо дӯст доранд, ки мо ба Эрон ҳамла кунем”.

Президенти Амрико афзуд, ки бо вуҷуди тамоюл ба муваффақияти Эрон ва табдил шудани он ба кишвари бузург дастёбии Теҳрон ба силоҳи атомӣ барои Амрико ғайриқобили қабул мебошад. Ӯ, ҳамчунин, гуфт, ки Эрон барои ҳалли масъалаи атомиаш ду роҳи ҳал дорад: ҳушмандона ва хушунатомез.

Доналд Трамп афзуд, “мехоҳем масъалаи Эронро ба равиши ҳушмандона, аммо на хушунатомез ҳал кунем”. Трамп дар идома таъкид кард, ки хоҳиш надорад, ки вориди марҳилаи дувум шавад.

Президенти Амрико гуфтугӯҳо бо Теҳронро “музокироти бисёр ҷиддӣ бо Эрон барои дастёбӣ ба сулҳи баландмуддат” номида, афзуд: “Мо мехоҳем Эрон ба як кишвари бузург табдил шавад, аммо Теҳрон наметавонад силоҳи атомӣ дошта бошад”.

Dialog.tj